ıÝNESKO-nyń tehnıkalyq grantyn júzege asyrýǵa arnalǵan alǵashqy ulttyq dóńgelek ústel ótti

ASTANA. KAZINFORM – Astanada ıÝNESKO-nyń tehnıkalyq grantyn júzege asyrýǵa arnalǵan alǵashqy ulttyq dóńgelek ústel uıymdastyryldy. Bul týraly Mádenıet jáne aqparat mınıstrligi habarlady.

Jıynǵa QR Mádenıet jáne aqparat vıtse-mınıstri Aıbek Sydyqov, ıÝNESKO jáne ISESKO isteri jónindegi QR Ulttyq komıssııasynyń ókilderi, materıaldyq emes murany qorǵaý jónindegi Ulttyq komıtet músheleri, ortalyq jáne jergilikti memlekettik organdardyń ókilderi, sondaı-aq ǵalymdar qatysty. Onlaın formatta ıÝNESKO-nyń «Materıaldyq emes mura» baǵdarlamasy menedjmenti bóliminiń jetekshisi Djovannı Stsepı jáne ózge sarapshylar qosyldy.

Kezdesýde ıÝNESKO-nyń Materıaldyq emes murany qorǵaý jónindegi Úkimetaralyq komıteti 2024 jyly Qazaqstanǵa bólgen tehnıkalyq granttyń oryndalý barysy qaraldy.

Qazirgi tańda grant pılottyq túrde elimizdiń bes óńirinde: Jetisý, Atyraý, Shyǵys Qazaqstan, Qaraǵandy jáne Qyzylorda oblystarynda júzege asyrylyp jatyr. Osy óńirlerde granttyń oryndalýyn baqylap, úderisti turaqty túrde qadaǵalap otyratyn arnaıy jumys toptary qurylǵan.
Óńirlerge qazaqtyń umyt bola bastaǵan dástúrli mádenı mura elementterin qaıta jandandyryp, olardy qazirgi zamanǵa saı tásildermen, ásirese tsıfrlyq medıa arqyly keńinen tanytý mindeti júktelgen.

Oblys ókilderi atqarylǵan jumystyń alǵashqy nátıjelerin tanystyrdy. Birinshi kezeń boıynsha materıaldyq emes muranyń ulttyq tizimine qosýǵa 40-qa jýyq jańa element usynylǵan. Olardyń qatarynda «Kerbez qyz» dástúri, «Bestemshe» oıyny, etikshilik pen dıirmenshilik óneri, «Qalqaman – Mamyr» poemasyn oryndaý dástúri jáne basqa da mádenı mura úlgileri bar. Jumys ári qaraı jalǵasyp jatyr.

Aıta keteıik,ıÝNESKO Ortalyq Azııa halyqtarynyń kıiz úıin materıaldyq emes mádenı mura tizimine qosty.