ıÝNESKO-nyń Dúnıejúzilik muralar tizimine elimizden qandaı jádigerler usynyldy
ASTANA. KAZINFORM – Elimizdiń memlekettik organdary elimizdiń birqatar mádenı nysanyn ıÝNESKO-nyń Dúnıejúzilik muralar tizimine engizý úshin jumys istep jatyr. Bul týraly Mádenıet jáne aqparat mınıstrliginen málim etti.
- Búgingi tańda ıÝNESKO-nyń Dúnıejúzilik muralar tiziminde Qazaqstan tarapynan úsh nomınatsııa aıasynda usynylǵan 10 tarıhı-mádenı eskertkish bar: Qoja Ahmet ıAsaýı kesenesi, «Tańbaly» petroglıfteri jáne «Uly Jibek joly: Chanan Tıan-Shan dálizi», Qaıalyq, Qaramergen, Talǵar, Aqtóbe, Aqyrtas, Qulan, Qostóbe, Órnek. Qazirgi ýaqytta ıÝNESKO-nyń Dúnıejúzilik mádenı muralar tizimine engizilgen obektilerdiń sanyn kóbeıtý maqsatynda mınıstrlik tarapynan tıisti jumystar júrgizilýde.
Atap aıtqanda, 2024 jyly «Mańǵystaýdyń jerasty meshitteri» nomınatsııasyna Mańǵystaý oblysyndaǵy 5 obekt (Beket ata, Shaqpaq ata, Qaraman ata, Shopan ata, Sultan Epe) jáne Ózbekstan, Tájikstan, Qyrǵyz Respýblıkasy elderimen birlesip «Uly Jibek joly: Ferǵana-Syrdarıa dálizi» transulttyq nomınatsııasyna Túrkistan, Qyzylorda oblystaryndaǵy 6 obekt (Otyrar, Saýran, ıAsy, Syǵanaq, Jankent qalashyqtary, Jetiasar oazısiniń eskertkishteri) usynyldy, - dedi vedomstvodan agenttiktiń resmı saýalyna oraı.
Usynylǵan jaýapqa qaraǵanda, atalǵan eki nomınatsııa ıÝNESKO-yń Dúnıejúzilik muralar ortalyǵynda qaraldy. Endi bıyl Ońtústik Koreıanyń Pýsan qalasynda ótetin Dúnıejúzilik mura komıtetiniń kezekti otyrysynda pysyqtalady.
- Sonymen qatar bıyl ıÝNESKO-nyń Dúnıejúzilik muralar tizimine «Ústirt: Landshafttar jáne ańshylyq tuzaqtar - arandar» nomınatsııasy usynyldy. Budan bólek, Memleket basshysynyń Ulttyq quryltaıdaǵy tapsyrmasyna sáıkes, Jetisý oblysyndaǵy «Jarkent meshiti», Almaty qalasyndaǵy «Voznesenskıı sobory» jáne Túrkistan men Qyzylorda oblystaryndaǵy «Qarataý petroglıfteri» (Arpaózen jáne Saýysqandyq) tarıhı-mádenı mura obektilerin nomınatsııaǵa usyný boıynsha múddeli memlekettik organdarmen jumystar júrgizilýde, - dedi mınıstrlikten.
Aıta keteıik, Ulttyq quryltaıdyń V otyrysynda Memleket basshysy Qasym-Jomart Toqaev ıÝNESKO-nyń búkilálemdik muralar tiziminde bolýǵa laıyq jádigerlerdi ataǵan edi.
