ıÝNESKO-nyń «Álem jady» baǵdarlamasyna Qazaqstannan qandaı muralar usynyldy
ASTANA. KAZINFORM — Mádenıet jáne aqparat mınıstrligi ıÝNESKO-nyń «Álem jady» baǵdarlamasyna Qazaqstannan usynylǵan muralardy atady.
— Memleket basshysynyń tapsyrmasyna sáıkes, Abaı shyǵarmalaryn, onyń ishinde «Abaı shyǵarmalary. Múrseıt Bıkeuly jazyp ketken qoljazbalaryn» ıÝNESKO-nyń «Álem jady» baǵdarlamasynyń 2026-2027 jyldarǵa arnalǵan halyqaralyq tizilimine usyný jumystary júrgizildi. Abaı murasyn ıÝNESKO-nyń «Álem jady» baǵdarlamasy aıasynda ilgeriletý maqsatynda «Ǵylym ordasy» Ortalyq ǵylymı kitaphanasynyń qorynda saqtalǵan «Abaı shyǵarmalary». Múrseıt Bıkeuly jazyp ketken qoljazbalary» nomınatsııasy 2026-2027 jyldarǵa arnalǵan halyqaralyq tizilimge usynyldy. Bul qoljazbalar Abaı murasynyń túpnusqalyq mátindik dástúrin aıqyndaıtyn asa qundy derekti mura retinde qarastyrylady, — dedi mınıstrlikten agenttiktiń resmı saýalyna oraı.
Vedomstvo málimetinshe, usynylǵan ótinimderdi qaraý ıÝNESKO-nyń 2026-2027 jyldarǵa arnalǵan kezekti nomınatsııalyq tsıkli aıasynda júzege asyrylady.
— Sonymen qatar, Qazaqstan tarapynan «Álem jady» baǵdarlamasy aıasynda ózge de birqatar qujattyq mura usynyldy. Atap aıtqanda, ıÝNESKO-nyń Azııa jáne Tynyq muhıt óńirlik tizimine engizý úshin «Esik jazýy» jáne «Máshhúr Júsip Kópeevtiń áńgimeleri» nomınatsııalary joldandy. Al halyqaralyq tizilimge «Abaı shyǵarmalary. Múrseıt Bıkeuly jazyp ketken qoljazbalary» men «Evgenıı Brýsılovskııdiń alǵashqy qazaq operasy «Qyz Jibekke» arnalǵan partıtýrasy» usynyldy. Bul rette Qazaqstannyń atalǵan baǵdarlamadaǵy jumysy júıeli sıpatqa ıe. Buǵan deıin «Ǵylym ordasy» Ortalyq ǵylymı kitaphanasynda saqtalǵan XVIII ǵasyrdaǵy «Handar shejiresi» biregeı qoljazbasy ıÝNESKO-nyń «Álem jady» baǵdarlamasynyń halyqaralyq tizilimine engizildi. Sondyqtan Abaı murasyna qatysty ótinim boıynsha túpkilikti sheshim ıÝNESKO-nyń belgilengen rásimderine sáıkes qabyldanatyn bolady. Qazirgi tańda Qazaqstan tarapy qajetti qujattardy usyný jáne nomınatsııalardy halyqaralyq deńgeıde ilgeriletý jumystaryn jalǵastyryp jatyr, — dedi Mádenıet mınıstrligi.
Buǵan deıin Premer-mınıstrdiń orynbasary — Mádenıet jáne aqparat mınıstri Aıda Balaeva «Abaıdyń qara sózderin» ıÝNESKO-nyń «Álem jady» tizilimine engizý úshin tıisti qujattar saraptamalyq baǵalaýǵa joldanǵanyn aıtqan edi.
