ıÝNESKO-nyń «Álem jady» baǵdarlamasyna Abaı qoljazbasyndaǵy «Qara sózder» kirýi múmkin

ASTANA. KAZINFORM – Mádenıet jáne aqparat mınıstrligi birqatar qoljazbany ıÝNESKO-nyń «Álem jady» baǵdarlamasyna kirgizý úshin jumys istep jatyr. Bul jaıynda agenttik saýalyna oraı atalǵan vedmostvodan málim etti.

- Memleket basshysynyń tapsyrmasy boıynsha ıÝNESKO-nyń «Álem jady» baǵdarlamasy boıynsha jumystar jandandy. «Álem jady» Ulttyq komıtetiniń jumys strategııasy ázirlendi. Ulttyq tizilimge engizý úshin tizim jasaldy, óńirlik jáne halyqaralyq tizilimder úshin irikteý júrgizildi. Baǵdarlama týraly habardarlyqty arttyrý jáne 2025-2027 jyldary «Álem jady» tizilimine ótinim berý protsesin yntalandyrý maqsatynda jazbasha eskertkishterdiń nomınatsııalaryn berý úshin saýalnamalardy toltyrý qaǵıdalary boıynsha qor ustaýshylarǵa arnalǵan vebınar ótkizildi, - dedi Mádenıet mınıstrliginen.

Mınıstrlik «Ǵylym ordasy» Ortalyq ǵylymı kitaphanasynyń» Sırek kitaptar, qoljazbalar jáne ulttyq ádebıet» bóliminde saqtalǵan XVIII ǵasyrdaǵy «Handar shejiresi» biregeı qoljazbasy ıÝNESKO-nyń «Álem jady» baǵdarlamasynyń halyqaralyq tizilimine engizilgenin atap ótedi. 

- Aldaǵy kezeńde ıÝNESKO-nyń tizimine engizý úshin «Qara sózder» Abaı qoljazbalarynda, kýfı qoljazbasymen qaıta jazylǵan XII ǵasyrdaǵy Quran, Máshhúr Júsip Kópeevtiń qoljazbalary jáne taǵy basqa nomınatsııalar boıynsha jumystar júrgizilip jatyr, - dedi vedomstvodan.

Aıta keteıik, Memleket basshysy Qasym-Jomart Toqaev Ulttyq quryltaıdyń tórtinshi otyrysynda Úkimet túrli ulttyń barsha adamzatqa ortaq bilim qazynasyna qosqan zııatkerlik úlesin kórsetetin «Álem jady» tizimine derekti muralarymyzdy engizý jumysyn jandandyrý qajettigin aıtqan edi.