ıÝNESKO-men baılanysymyzdy odan ary damytýǵa múddelimiz — Memleket basshysy
ASTANA. KAZINFORM — Qazaqstan ıÝNESKO-men baılanysyn odan ary damytýǵa múddeli. Bul týraly elordadaǵy Táýelsizdik saraıynda ótip jatqan «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıýmda Memleket basshysy Qasym-Jomart Toqaev aıtty.
— Búgingi jıynǵa ıÝNESKO-nyń joǵary deńgeıdegi ókili, Búkilálemdik muralar qorynyń dırektory Elýndý Assomo Lazar myrza bastaǵan delegatsııa qatysyp otyr. Jalpy, elimiz ıÝNESKO-nyń qoldaýymen kóptegen mańyzdy jobany júzege asyrdy. Naqty aıtqanda, Qoja Ahmet ıAsaýı kesenesi, Tamǵaly tas petroglıfteri, sondaı-aq birneshe kóne qala búkilálemdik muralar tizimine endi, — dedi Prezıdent.
Memleket basshysy ultymyzdyń materıaldyq emes mádenı muralaryn dáripteý baǵytynda da aýqymdy jumys istelgenin aıtty.
— Máselen, byltyr ǵana «Handar shejiresi» dep atalatyn biregeı qoljazba álemdik deńgeıde moıyndaldy. Bul — el bılegen tulǵalar týraly málimetterdi toptastyrǵan, sonyń ishinde Altyn Orda kezeńin qamtyǵan qundy qujat. Sondyqtan biz baılanysymyzdy odan ary damytýǵa múddelimiz. Bul — ózara tıimdi, mańyzdy sharýa, — dedi Qasym-Jomart Toqaev.
Sımpozıým barysynda Prezıdent Altyn Orda Batys pen Shyǵysty jalǵap, túrli órkenıetterdiń damýyna, memleketterdiń qalyptasýyna erekshe yqpal etken asa iri saıası qurylym bolǵanyn aıtty.
