ıÝNESKO Qyrǵyzstan bastamasymen Halyqaralyq kóshpeli mura kúnin bekitti
BІShKEK. KAZINFORM — 6 qarashada ıÝNESKO-nyń 43-shi Jalpy konferentsııa sessııasynda Qyrǵyzstannyń bastamasymen qabyldanǵan rezolıýtsııa bir aýyzdan qoldaý taýyp, 22 qyrkúıek Halyqaralyq kóshpeli mura kúni retinde jarııalandy. Bul týraly Qyrǵyzstannyń ıÝNESKO jónindegi Ulttyq komıssııasy habarlady, dep jazdy 24 kg.
Rezolıýtsııanyń maqsaty — kóshpeli ómir saltynyń mádenı, tarıhı jáne áleýmettik mańyzyn, onyń álemdik mádenı ártúrlilik pen turaqty damýǵa qosqan úlesin halyqaralyq deńgeıde moıyndaý.
Jıynda qujatty Qyrǵyzstan mádenıet, aqparat jáne jastar saıasaty mınıstri Mırbek Mambetalıev tanystyrdy. Onyń aıtýynsha, ıÝNESKO deńgeıinde resmı moıyndaý kóshpeli murany nasıhattaý men ony zertteý, bolashaq urpaqqa jetkizý jobalaryn qoldaýda mańyzdy qadam bolady.
Sarapshylardyń pikirinshe, mundaı kúnniń bekitilýi Qyrǵyzstannyń kóshpeli mádenıetti saqtaýshy el retinde halyqaralyq mártebesin arttyrady, mádenı dıplomatııa men etnotýrızmdi damytýǵa múmkindik beredi, sondaı-aq dástúrlerdi, qolónerdi jáne materıaldyq emes murany, sonyń ishinde «Manas» eposyn jáne kóshpendiler oıyndaryn saqtaýǵa nazar aýdartady.
Aıta keteıik, ıÝNESKO 15 jeltoqsandy «Túrki tilderi otbasynyń dúnıejúzilik kúni» dep belgilegen edi.
