ıÝNESKO Qazaqstannyń jas ǵalymdary arasynda baıqaý jarııalady
ALMATY. 11 qarasha. QazAqparat /Erbol Turymbetov/ - Búgin ıÝNESKO-nyń Qazaqstan, Qyrǵyzstan, Tájikstan jáne Ózbekstan boıynsha Almatydaǵy klasterlik bıýrosy Qazaqstannyń jas ǵalymdary arasynda «Qazaqstandaǵy ǵylym, tehnologııa jáne ınnovatsııanyń damýy» taqyrybynda esse baıqaýyn jarııalady.
Baıqaý Dúnıejúzilik ǵylym kúnin merekeleý aıasynda beıbitshilik pen damý maqsatynda uıymdastyrylyp otyr.
Konkýrsqa Qazaqstannyń ǵylymı mekemeleriniń jas ǵalymdary men joǵary oqý oryndarynyń aspıranttary qatysa alady. Ótinishter osy jyldyń 12 qarashasynan keler jyldyń 15 qańtaryna deıin qabyldanady.
Osy arqyly Qazaqstandaǵy ǵylymdy basqarý júıesiniń reformasy kezeńinde ıÝNESKO elimizdiń jas ǵalymdaryna ǵylym damýyna degen óz pikirlerin ashyq aıtýǵa múmkindik beriledi. Sonyń nátıjesinde, ǵylymı kadrlardy daıyndaý júıesi, ǵylymı zertteýlerdi qarjylandyrý, ǵylymı mektepterdiń damýy jáne t.b. jaǵdaılarǵa baılanysty tyń ıdeıalar men usynystardy qarastyrýdy kózdep otyr.
Eń qyzyqty degen esseler avtorlary qurmet syılyqtarymen marapattalady. Sonymen birge, olardyń jumystary ıÝNESKO-nyń 2011 jyly shyǵarǵaly otyrǵan maqalalar toptamasynda basylatyn bolady.
