ıÝNESKO Qazaqstan halqyn Dombyra kúnimen quttyqtady
ASTANA. KAZINFORM — ıÝNESKO Qazaqstanda jyl saıyn shilde aıynyń alǵashqy jeksenbisinde atap ótiletin Ulttyq dombyra kúnimen quttyqtaý joldady.
Uıym ókilderiniń aıtýynsha, qazaqtyń dombyra kúı óneri 2014 jyldan beri ıÝNESKO-nyń adamzattyń materıaldyq emes mádenı murasynyń Reprezentatıvti tizimine engizilgen.
ıÝNESKO mádenıet jónindegi dırektorynyń orynbasary Naıf ál-Faıezdiń sózinshe, bul erekshe mýzykalyq dástúr halyqty óziniń tarıhymen, bolmysymen jáne bir-birimen baılanystyrady.
— ıÝNESKO Qazaqstandaǵy dombyraǵa degen erekshe qurmetti joǵary baǵalaıdy jáne bul baǵa jetpes murany keler urpaqqa jetkizý men saqtaý baǵytyndaǵy kúsh-jigerdi qoldaıdy, — dedi ol.
Osylaısha, dombyra tek mýzykalyq aspap qana emes, qazaq halqynyń mádenı bolmysy men rýhanı birligin aıqyndaıtyn mańyzdy mura retinde atap ótildi.
Aıta keteıik, jaqynda Astanada ıÝNESKO-nyń Ortalyq Azııadaǵy alǵashqy joǵary bilim dıalogy ashyldy.
