ıÝNESKO Gazadaǵy mádenı murany qorǵaýǵa 5,7 mln dollar bóldi

ASTANA. KAZINFORM — ıÝNESKO Gazada shuǵyl kómek kórsetýge baǵyttalǵan aýqymdy baǵdarlamanyń bastalǵanyn jarııalady. Onyń aıasynda mádenı murany qorǵaýǵa 5,7 mln dollar bólindi, dep habarlaıdy AZERTADJ.

Qarajat bilimge qoljetimdilikti qalpyna keltirýge jáne jergilikti buqaralyq aqparat quraldaryn qoldaýǵa da jumsalady.

BUU jańalyqtar qyzmetiniń málimetinshe, aldaǵy ýaqytta uıym bul qarjyny 116,5 mln dollarǵa deıin ulǵaıtýdy josparlap otyr. Bul uzaq merzimdi qalpyna keltirý men negizgi qoǵamdyq ınstıtýttardy nyǵaıtýǵa baǵyttalǵan.

Soǵys saldarynan Gazadaǵy mádenı mura aıtarlyqtaı zardap shekti: 164 mádenı jáne tarıhı nysan búlingen. Olardyń kópshiligi palestınalyqtardyń ulttyq bolmysynyń mańyzdy sımvoldary sanalady. Qazir ıÝNESKO Ǵaza qalasynyń eski bóliginde shuǵyl jóndeý jumystaryn júrgizip, úıindilerdi tazartýda. Búginde bes nysan nyǵaıtylyp, taǵy jeteýi qalpyna keltirý kezeńinde.

Uıym jerseriktik baqylaý arqyly qıraýlardy qadaǵalap, jergilikti mamandardy mádenı murany qorǵaýdyń jedel tásilderine úıretip jatyr.

Sonymen qatar ıÝNESKO halyqtyń psıhologııalyq jaǵdaıyna da kóńil bólip otyr. Úılerin tastap ketýge májbúr bolǵan 8 myńnan astam bala, jasóspirim jáne olardyń ata-analary mádenı ári shyǵarmashylyq baǵdarlamalar arqyly psıhologııalyq qoldaý aldy. Bolashaqta mundaı kómekti 21 myń adamǵa deıin keńeıtý jáne jergilikti óner ıelerine granttar bólý josparlanǵan.

Bilim berý júıesi de aýyr daǵdarysty bastan keship jatyr: joǵary bilim men kásibı daıarlyq salasyna kelgen shyǵyn 379 mln dollarǵa baǵalanady, stýdenttik kampýstardyń 80%-dan astamy qıraǵan nemese zaqymdanǵan. Stýdentterdiń 90%-y psıhologııalyq kómekke muqtaj, al oqytýshylardyń kóbi turaqty baspanasyz qalǵan.

Osy jaǵdaıda ıÝNESKO balalarǵa oqýyn jalǵastyrý úshin matematıka men arab tili boıynsha oıyn formatyndaǵy bilim berý baǵdarlamalaryn engizdi. Joǵary synyp oqýshylaryna emtıhanǵa daıyndalý úshin myńnan astam planshet berildi.

Joǵary bilim berý ishinara qaıta jandanyp, vırtýaldy kampýs iske qosyldy. Oǵan stýdentterdiń shamamen 20%-y qosylǵan. Bolashaqta bul platforma 30 myńnan astam adamdy qashyqtan oqytýǵa múmkindik beredi. Sondaı-aq óńirde 13 800 stýdent bilim alyp jatqan bes ýaqytsha oqý orny ashyldy.

Jýrnalısterdi qoldaý da mańyzdy baǵyttardyń biri. Myńnan astam BAQ qyzmetkeri psıhologııalyq kómek aldy, olardyń 60%-y – áıelder. 200 jýrnalıstke tehnıka berilip, 600-ge jýyq maman kásibı oqýdan ótti.

ıÝNESKO jaqyn arada Gazadaǵy shamamen myń jýrnalıstke keshendi qoldaý kórsetýdi josparlap otyr.

Uıym málimetinshe, aýqymdy qıraýlardy qalpyna keltirý úshin halyqaralyq deńgeıde uzaq merzimdi qoldaý qajet. Shuǵyl sharalar qazirdiń ózinde nátıje berip jatyr, alaıda mádenıet, bilim berý jáne jýrnalıstıkany tolyq qalpyna keltirý úshin halyqaralyq qaýymdastyqtyń qosymsha qoldaýy qajet.

Buǵan deıin Gaza sektoryndaǵy shabýyldardan qaza tapqandar sany 72 myńnan asqanyn jazǵanbyz.