ıÝNESKO-da TÚRKІSOI-dyń 20 jyldyǵy toılandy
YSTAMBUL. 17 qyrkúıek . QazAqparat- Frantsııa astanasy Parıj qalasynda ıÝNESKO shtab-páterinde Halyqaralyq túrki mádenıeti uıymynyń (TÚRKІSOI) 20 jyldyǵy aıasynda saltanatty shara bolyp ótti.
Parıjde Halyqaralyq TÚRKІSOI uıymynyń kómegimen óner súıer qaýym úshin áıgili Ázirbaıjan kompozıtory Ýzeır Gadjıbeılıniń «Arshın mal alan» operettasynyń 100-jyldyǵyna oraılastyrylyp qoıylym qoıyldy.
«Arshın mal alan» operettasy bir sahnada alǵash ret bas qosyp otyrǵan Qazaqstan, Túrkııa, Ázerbaıjan, Qyrǵyzstan ártisteriniń qatysýymen qoıyldy.
Kontsertten keıin TÚRKІSOI Bas hatshysy Dúısen Qaseıinov bergen suhbatynda túrki áleminde «Arshın mal alan» operettasy alǵashqy ret osydan 100 jyl buryn qoıylǵanyn atap ótip: «Búgin bir aıyrmashylyqty baıqaýǵa bolady. Alǵashqy ret operettanyń kórsetilimi Qazaqstan, Ázerbaıjan, Qyrǵyzstan jáne Túrkııa ártisteriniń birigip qatysýymen ótkizildi. Túrkitildes memleketteriniń mýzykanttary tuńǵysh ret birigip jumys isteýge múmkindik aldy», - dedi.
Sonymen qatar Dúısen Qaseıinov qazan aıynyń basynda TÚRKІSOI-dyń 20 jyldyq merekelek sharalary Túrkııanyń Ankara qalasynda da óz jalǵasyn tabatynyń sózge tıek etti.
Shaqyrylǵan qonaqtardyń ishindegi qoıylymǵa kelgen frantsýz jazýshysy Faben Erban :« Bul kórsetilim ótken kúnder mádenıeti týraly erekshe mazmunǵa toly boldy. Men saz-áýenniń asemdigi men ártisterdiń kıim úlgilerine tánti boldym. Bul shara umytylmaıtyndaı áser qaldyrdy», - degen pikirimen bólisti.
Sondaı -aq, ıÝNESKO shtab-páterinde TÚRKІSOI-dyń 20 jyldyǵyna arnalyp, Halyqaralyq uıymnyń osy ýaqyt aralyǵyndaǵy atqarǵan qyzmetin qamtyp kórsetetin fotokórmeniń ashylýy ótkizildi.
Avtor: Irına Dynnıkova
