ıÝNESKO-da Naýryz meıramy toılandy

PARIJ. QazAqparat - Birikken Ulttar Uıymynyń Bilim, ǵylym jáne mádenıet máseleleri jónindegi keńesiniń (ıÝNESKO) Frantsııa astanasyndaǵy bas páterinde arnaıy saltanatty is-shara ótti. Bul týraly QR Syrtqy ister mınıstrliginiń baspasóz qyzmetine silteme jasap QazAqparat habarlaıdy.

Іs-sharaǵa qatysqandardyń pikirinshe kóktem men jańarý meıramy retinde Naýryz kúlli adamzatqa jaqyn qundylyqtardy ulyqtaıdy.

Merekeli kúnniń qarsańynda jyl saıyn uıymdastyrylatyn dástúrli dıplomatııalyq qabyldaýǵa ıÝNESKO basshylyǵy men múshe memleketterdiń Uıym janyndaǵy turaqty ókildikteri, ǵylymı jáne shyǵarmashylyq ortalardyń, Naýryzdy atap ótetin halyqtardyń Frantsııadaǵy dıasporalarynyń ókilderi qatysty.

Іs-sharaǵa ıÝNESKO-nyń Bas dırektory Odre Azýle qatysyp, barshany Naýryz merekesimen jyly quttyqtady jáne bul tamasha meıram kúlli adamzattyń ortaq mádenı qundylyǵy ekendigin atap ótti.

Іs-sharaǵa jınalǵandardyń nazaryna Naýryzdy merekeleıtin elderdiń dástúrli ónerleri men ulttyq taǵamdary usynyldy.

«Frantsııadaǵy Qazaqstan dostarynyń jastar qaýymdastyǵyna» (Jeune Alliance des Amis du Kazakhstan en France) múshe otandastarymyz qazaqtyń dástúrli bı ónerimen tamsandyrdy. Al qazaq dastarhanynan qonaqtar baýyrsaq, qazy, manty, qurt, jent jáne, álbette, Naýryz kójeden dám tatty.

Esterińizge salsaq, Birikken Ulttar Uıymynyń Bas Assambleıasy 2010 jyly qabyldaǵan 64/253 qararyna sáıkes jyl saıyn 21 naýryzda búkil álem Halyqaralyq Naýryz kúnin atap ótedi. Al ıÝNESKO-da Naýryzdy merekeleý dástúri Aýǵanstan, Ázerbaıjan, Irak, Iran, Qazaqstan, Qyrǵyzstan, Ózbekstan, Pákistan, Tájikstan, Túrkııa, Túrikmenstan jáne Úndistannyń ortaq usynysymen Adamzattyń materıaldyq emes mádenı murasynyń Reprezentatıvtik tizimine engizildi.