ıÝNESKO basshysy BUU bas hatshysy oryntaǵyna úmitker bolý nıetin qýattady
ASTANA. QazAqparat - ıÝNESKO Bas hatshysy Irına Bokova BUU Bas hatshysy oryntaǵyna úmitker bolý nıetin qýattady. Bul týraly bolgar saıasatkeri jeksenbi kúni «Nova televızııa» bolgarlyq telearnasyna bergen suhbatynda málim etti, dep habarlady TASS.
«Aldaǵy BUU bas hatshysyn saılaý taqyrybyna tolyq shoǵyrlandym. Ulttyq jaýapkershilikti sezinemin jáne olaı (saılaný) bolýyna jaqsy múmkindigim bar dep oılaımyn. Saılaýda jeńip shyǵatynymdy dáleldedim», - dedi Bokova.
«Bolgarııadan úmitker bolyp túskim keletinin árqashan atap kórsetemin, bul eń mańyzdysy», - dedi ol. - Óıtkeni bul laýazymda adam barlyq múddeli taraptardyń qoldaýyna ıe bolýy tıis. Árıne, eń aldymen, Qaýipsizdik keńesi turaqty músheleriniń qoldaýy qajet».
Bokova onyń kandıdatýrasyn halyqaralyq kóshbasshylar kóbirek qoldap otyrǵanyn basa aıtty, degenmen bul taqyrypta Bolgarııada ártúrli ustanymdaǵy materıaldar kóbirek paıda bolyp otyrǵanyn jetkizdi. «Meni syrtqy qoldaý ulǵaıýymen birge ártúrli ustanymdaǵy, qaralaıtyn jarııalanymdar kóbeıe bastaǵany ókinishti. Bárine birdeı unaý múmkin emes, sonymen qatar barlyǵynyń birdeı bireýdiń pikirimen kelspeýi de múmkin. Biraq ta men ózimdi qoldaıtyn kúshterdi biriktire alamyn dep oılaımyn».
Jeksenbi kúni Bolgarııa dıplomatııalyq dostastyǵy men Halyqaralyq qatynastar ulttyq qaýymdastyǵynyń Bokovanyń kandıdatýrasyn qoldaǵan jáne ony BUU Bas hatshysy laýazymyna usynǵan ashyq haty jarııalandy.
Bolgarııa premer-mınıstri Boıko Borısov pen syrtqy ister mınıstri Danıel Mıtovqa joldanǵan qujatta Bolgarııanyń Búkilálemdik uıymdaǵy jáne álemdik dıplomatııadaǵy saıası salmaǵyn arttyrýda «Irına Bokova - jaqsy múmkindik» dep atap kórsetilgen.
