ıÝNESKO Bas dırektoryna Abaı shyǵarmalarynyń jınaǵy tabystaldy

NUR-SULTAN. QazAqparat – ıÝNESKO-nyń shtab-páterinde Qazaqstan Respýblıkasynyń Turaqty ókili Jan Ǵalıevtiń Uıymnyń Bas dırektory Odrı Azýlemen kezdesýi ótti, dep habarlaıdy QR SІM baspasóz qyzmeti.

Kezdesý aıasynda Elshi ıÝNESKO-nyń basshysyna Hákimniń 175 jyldyǵyna oraı Prezıdent Qasym-Jomart Toqaevtyń tapsyrmasyna sáıkes «Ulttyq aýdarma bıýrosy» qoǵamdyq qory Birikken Ulttar Uıymynyń 6 resmı tiline aýdarǵan Abaı Qunanbaıulynyń shyǵarmalar jınaqtaryn tabystady.

O.Azýle Q.Toqaevtyń «Abaı - rýhanı reformator» maqalasyn qyzyǵýshylyqpen oqyp shyqqanyn aıtty jáne aqyn, aǵartýshy jáne gýmanısttiń búgingi kúnge deıin ózektiligin joǵaltpaǵan oılarynyń danalyǵy men aýqymdylyǵyna tánti boldy. Sondaı-aq, Bas dırektor Abaı Qunanbaıulynyń adamzat murasyna engen qazaq mádenıeti men ádebıetiniń damýyna qosqan zor úlesin atap ótti.

Aýdarmashylar eńbeginiń arqasynda Abaı sheteldik oqyrmanǵa jaqynyraq jáne túsiniktirek boldy jáne álemniń kóptegen tilderinde «sóıledi».

Sondaı-aq, Elshi ıÝNESKO-nyń shtab-páterine «Sáýkele» sándik pannosyn syıǵa tartty, bul dástúrli bas kıim ejelden beri óziniń ashyqtyǵy men erkindikke degen qushtarlyǵymen sıpattalatyn qazaq qoǵamyndaǵy áıeldiń qurmetti rólin beıneleıtinin atap ótti.

Bas dırektor «Sáýkele» Uıym hatshylyǵynyń murajaıynan laıyqty oryn tabatynyna sendirdi.