ıÝNESKO aıasyndaǵy jumysty úkimettik deńgeıge kóterý qajet - I.Tasmaǵambetov
ASTANA. 17 mamyr. QazAqparat - ıÝNESKO aıasyndaǵy jumysty úkimettik deńgeıge kóterý qajet. Bul týraly búgin Astanada QR ıÝNESKO jáne ISESKO isteri jónindegi ulttyq komıssııasynyń otyrysynda komıssııa tóraǵasy Imanǵalı Tasmaǵambetov málim etti.
«Biz materıaldyq emes muralar tizimin jasaqtaýda júıeli jumysqa júginýimiz shart. Búgingi ýaqytqa deıin elde bul is atqarylǵan joq deýge bolady. «ıÝNESKO-ǵa ulttyq qundylyqtar tizimin júıesiz usyný - tym abyroısyz jumys. Sondyqtan bul jumystyń barlyǵyn júıeli tezge salý kerek. Aldaǵy ýaqytta bul isti Úkimet deńgeıine kóterip, «Mádenı mura» tujyrymdamasy aıasynda bıýdjetten qarjylandyrylatyn arnaıy baǵdarlama qabyldaý qajet. Sonda ǵana bizdiń jumystyń aıasy keńeıip, naqty ister jasalady. Qarjylandyrý máselesi bıyl nemese kelesi jyly sheshimin tabýy tıis», - dedi I.Tasmaǵambetov.
Aıta keteıik, 2000 jyldan beri qaraı ıÝNESKO uıymymen materıaldyq emes muranyń Búkilálemdik tizimi jasalyp jatyr. 2003 jyldan beri osy Konventsııaǵa dúnıejúzinen 90-nan astam memleket qatysyp otyr. 350-den astam álem halyqtarynyń materıaldyq emes murasynyń tizimi jasaldy. Bul tizim jyl saıyn tolyqtyrylý ústinde. Endi osyǵan sáıkes, qazir Qazaqstannan qandaı atalym boıynsha osy tizimge qundylyqtar engiziletini jóninde usynystar daıyndalýda.
«Bizdiń jumystyń negizgi mindeti ıÝNESKO tizimine engizilýi tıis ulttyq muralardyń sanyn anyqtaý emes, tól muramyzdyń ár saladaǵy ǵylymı turǵyda zerdelengen ózimizdiń ulttyq tizimdi daıyndaý. Eń birinshi ol ózimiz úshin, urpaqtarymyz úshin kerek dúnıe. Keıin sol tizimnen kezeń-kezeńimen mádenı qundylyqtarymyzdy ıÝNESKO-ǵa usynatyn bolamyz», - dep atap kórsetti ol.
Sonymen birge I.Tasmaǵambetov 2013 jylǵa arnalǵan birqatar mindetterge de toqtaldy. Sonyń ishinde BUU jáne ıÝNESKO basshylyǵy, tanymal saıası, mádenı qaıratkerler qatysatyn «Mádenıetterdiń jaqyndasýynyń halyqaralyq onjyldyǵy» forýmyn ótkizýdi erekshe nazarǵa aldy. Onyń aıtýynsha, Qazaqstan 2013-2022 jyldardy «Mádenıetterdiń jaqyndasýynyń halyqaralyq onjyldyǵy» dep jarııalaý týraly bastamany usynǵan. Bul bastama ıÝNESKO sessııasynda qoldaý tapty.
