ıÝNESKO Aýǵanstanda qyz balalardyń mektepte oqymaý máselesine alańdaýshylyq bildirdi

NUR-SULTAN. QazAqparat – ıÝNESKO-nyń bas dırektory Odre Azýle talıbterdiń mektepti tek ul balalar men er muǵalimder úshin ǵana ashatyny týraly habarlamasyna alańdaýshylyq bildirdi, dep habarlaıdy QazAqparat BUU jańalyqtar ortalyǵy saıtyna silteme jasap.

«Aýǵanstannyń bolashaǵy aýǵan qyzdary men uldarynyń bilim alý múmkindikterine tikeleı baılanysty. Biz Aýǵanstannyń barlyq tıisti ókilderi men organdaryna mektepterdi ashý kezeńinde barlyq balalarǵa esh kedergisiz bilim alýǵa múmkindik berýge shaqyramyz. ıÝNESKO basshysynyń aıtýynsha, mektepterge áıel muǵalimderdi qaıtarý da óte mańyzdy», - deıdi Odre Azýle.

Eldegi bılikti basyp alǵan «Talıban» qozǵalysynyń jetekshileri BUU ókilderine qyzdar men áıelderdiń bilim alýyna esh kedergi keltirmeıtini týraly birneshe ret ýáde bergen. Alaıda sońǵy kúnderi olar mektepterdiń tek ul balalarǵa ǵana ashylatynyn málimdedi. Qyzdardyń mektepke qashan baratyna týraly eshteme aıtylmaǵan.
ıÝNESKO ókiliniń aıtýynsha, eger qyzdardy der kezinde oqýǵa barmasa, onyń saldary aýyr bolýy múmkin.
Sonymen qatar ol aýǵan balalarynyń quqyǵyn qorǵaıtynyn, olardyń bilim alý quqyǵy ujymdyq jaýapkershilik ekenin málimdedi.