ıÝNESKO 15 jeltoqsandy «Túrki tilderi otbasynyń dúnıejúzilik kúni» dep belgiledi

ASTANA.KAZINFORM - Ózbekstannyń Samarqand qalasynda ótken Birikken Ulttar Uıymynyń Bilim, ǵylym jáne mádenıet uıymynyń (ıÝNESKO) 43-shi Bas konferentsııasynda 15 jeltoqsan «Túrki tilderi otbasynyń dúnıejúzilik kúni» dep jarııalandy, dep habarlaıdy Anadoly.

ıÝNESKO-nyń 43-shi Bas konferentsııasyna 194 elden 5 myńnan astam delegat qatysty. Olar Prezıdent Rejep Taıyp Erdoǵannyń 15 jeltoqsandy «Túrki tilderi otbasynyń dúnıejúzilik kúni» dep jarııalaý týraly usynysy boıynsha qarar jobasyn maquldady.

Túrkııanyń ıÝNESKO-daǵy turaqty ókili, elshi Gıýlnýr Aıbet kezdesýde sóz sóılep, ıÝNESKO qamqorlyǵymen barlyq túrki memleketi túrki tilder otbasyn saqtaý jáne nasıhattaý úshin daıyndaǵan usynystyń birlesken demeýshilerine alǵys aıtty.

Aıbet tilderdiń qarym-qatynas quraly ǵana emes, órkenıettiń jany ekenin atap ótti. Ol sondaı-aq keń aýmaqta 200 mıllıonnan astam adam sóıleıtin túrki tilderiniń otbasy ǵasyrlar boıy ortaq tarıh pen qundylyqtardan órilgen baı mádenı murany bildiretinin atap ótti.

15 jeltoqsan túrik tilindegi eń kóne jazbasha qujat - VIII ǵasyrǵa tıesili Orhýn jazbalarynyń alǵash ret sheshilýimen erekshe. Bul kún túrik órkenıetteriniń ortaq mádenı jáne kórkemdik baılyǵyn bildiredi, halyqtar arasyndaǵy mádenı jaqyndasý men dıalogty nyǵaıtady.

- ıÝNESKO Dúnıejúzilik túrki tili kúnin atap ótý arqyly kóptildilikke, mádenı ártúrlilikke jáne halyqtar arasyndaǵy dıalogqa degen berik mindettemesin taǵy da rastaıdy, - dedi Aıbet.

ıÝNESKO-nyń 15 jeltoqsandy «Túrki tilderi otbasynyń dúnıejúzilik kúni» dep jarııalaýyna baılanysty Túrki mádenıeti men murasy qory erteń Samarqandta túrki memleketteriniń ókilderi qatysatyn konferentsııa uıymdastyrady.

Aıta keteıik, Túrkııada Túrki dúnıesi arheologtary qaýymdastyǵynyń ekinshi otyrysy ótti.