ıÝlle Madıze resmı túrde Estonııa prezıdenti qyzmetine kiristi
ASTANA. KAZINFORM — Estonııanyń burynǵy quqyq kantsleri ıÝlle Madıze ant berip, el prezıdenti qyzmetine resmı túrde kiristi. Bul týraly Kazinform agenttiginiń menshikti tilshisi habarlaıdy.
Inaýgýratsııa rásimi dúısenbi kúni Rııgıkogý májilis zalynda ótti. Jergilikti ýaqyt boıynsha saǵat 14:15–te saılanǵan prezıdent jubaıy Laýrı Madızemen birge Kadrıorgtegi prezıdent keńsesine keldi. Olardy qyzmetinen ketip jatqan memleket basshysy Alar Karıs pen onyń jubaıy Sıre Karıs qarsy aldy.
Odan keıin rásimge qatysýshylar Tallın qalasyndaǵy Toompea qamalynyń aldyndaǵy Lossı alańy qaraı bet aldy. Onda olardy Gvardııalyq batalonnyń qurmetti qaraýyly qarsy alyp, saltanatty rásimge qatysýshylar qamalǵa kirdi.
Іs-sharanyń negizgi bólimi saǵat 15:00–de bastaldy. Aldymen Alar Karıs qoshtasý sózin sóıledi. Sodan keıin ıÝlle Madıze prezıdent retinde ant berip, memleket basshysy retindegi alǵashqy úndeýin jasady. Saltanatty rásimdi jergilikti ERR telearnasy tikeleı efırde kórsetti.
51 jastaǵy ıÝlle Madıze Tartý qalasynda dúnıege kelgen jáne sol jerde bilim alǵan. Mamandyǵy — zańger. 2015 jyldan beri ol quqyq kantsleri, ıaǵnı konstıtýtsııalyq normalardyń saqtalýy men adam quqyqtary máselelerin qadaǵalaıtyn ombýdsmen qyzmetin atqardy. 2021 jyldyń sońynda ekinshi merzimge qaıta taǵaıyndaldy.
Buǵan deıin ol Ádilet mınıstrliginde, Rııgıkogý Konstıtýtsııalyq komıssııasynda jumys istegen, Memlekettik baqylaý mekemesinde bas baqylaýshy jáne prezıdent Toomas Hendrık Ilvestiń zań keńesshisi bolǵan.
2 qyrkúıekte Rııgıkogý depýtattary jasyryn daýys berý arqyly Madızeni prezıdent etip saılady. Ony 71 depýtat qoldady. Prezıdent bolyp saılaný úshin keminde 68 daýys qajet edi. Onyń kandıdatýrasyn Reform, Eesti 200, Isamaa partııalarynyń, sotsıal-demokrattar men táýelsiz depýtattardyń arasynan 75 parlamentarıı qoldaǵan. Ol prezıdenttikke tirkelgen jalǵyz kandıdat boldy. Madıze ekinshi merzimge saılaýǵa túspegen Alar Karıstiń ornyna keldi.
ıÝlle Madıze — Estonııa tarıhyndaǵy ekinshi áıel prezıdent. Oǵan deıin bul qyzmetti Kerstı Kalıýlaıd atqarǵan.
Alǵashqy úndeýinde jańa memleket basshysy ózara senimniń, bilim men mádenıettiń mańyzyn atap ótip, eldiń bolashaǵyn birlesip qurýǵa shaqyrdy. Sondaı-aq ol azamattardy pessımızmge boı aldyrmaýǵa úndedi.
Aıta keteıik, budan buryn Estonııa 2026 jyly kóshýge eń qolaıly elderdiń reıtınginde kósh bastaǵanyn jazǵanbyz. Sıngapýr men Malaızııa da alǵashqy úshtikke endi.
