ıÝlııa Tımoshenko Ýkraına prezıdenttigine saılaýǵa túspekshi

ASTANA. 13 naýryz. QazAqparat - Qyzmettik ókilettigin asyra paıdalanǵany úshin jeti jyldyq qylmystyq merzim jazasyn ótep júrgen Ýkraınanyń eks premer-mınıstri ıÝlııa Tımoshenko 2015 jyly belgilengen kelesi memleket basshysy saılaýyna qatysý nıeti týraly málimdedi.

Bul týraly Ýtro.rý habarlady.

«2012 jyldyń jetinshi jeltoqsanynda birikken oppozıtsııa kelesi prezıdenttik saılaýda oppozıtsııa atynan jalǵyz kandıdat retinde maǵan qoldaý bildiretini týraly jarııalady. Bul men úshin úlken qurmet jáne úlken jaýapkershilik. Árıne, úlken kedergiler bar. Biraq meni maqsattarym men Ýkraınanyń bolashaǵy týraly arman jolyma tosqaýyl qoıatyndarǵa men árdaıym qarsylyq kórsetemin», - dep atap ótti Tımoshenko Le Temps shveıtsarııalyq baspasózge bergen suhbatynda.

Tımoshenkonyń aıtýy boıynsha, Ýkraına prezıdenti Vıktor ıAnýkovıch jáne onyń komandasy eks premer-mınıstrdiń memlekettegi jaǵdaıdy ózgertýge jáne Ýkraınada dıktatýrany ornatýǵa qarsylyq kórsetetin kúsh jınaýǵa qabiletti ekenin «jaqsy biledi».