ıÝlııa Pýtıntsevanyń Charlston týrnırindegi qarsylasy anyqtaldy

ASTANA. KAZINFORM – AQSh-ta 30 naýryz – 5 sáýir aralyǵynda ótetin Charlston WTA 500 týrnıriniń jerebesi tartyldy.

Qazaqstannyń ekinshi, álemniń 75-raketkasy ıÝlııa Pýtıntseva alǵashqy aınalymda WTA reıtıngisinde 111-orynda turǵan jańazelandııalyq Lýlý Sýnmen oınaıdy.

Eger ony jeńgen jaǵdaıda álemniń besinshi, osy jarystyń 1-raketkasy, amerıkalyq Djessıka Pegýlaǵa tap bolady.

Álemdik reıtıngide 11-oryndaǵy reseılik Ekaterına Aleksandrova dodanyń 2-raketkasy bolyp tirkelgen.

Ótken jyly munda fınalda otandasy Sofıa Kenındi 6:3, 7:5 esebimen jeńgen D.Pegýla úzdik shyqqan edi. Al ıÝ.Pýtıntseva úshinshi aınalymnan asa almaǵan bolatyn.

Bul ıÝ.Pýtıntseva úshin 10-11 sáýirde Bıllı Djın Kıng kýbogy aıasynda Astanada ótetin Qazaqstan – Kanada matchy aldyndaǵy sońǵy jarys bolmaq.

Eske sala keteıik, budan buryn Jibek Qulambaevanyń Úndistandaǵy týrnırde juptyq synda úzdik shyqqanyn jazǵan edik.

Sondaı-aq Jibek Qulambaeva Úndistandaǵy týrnırdiń absolıýtti jeńimpazy atandy.