ıÝlııa Pýtıntseva juptyq synda Charlston týrnıriniń fınalyna shyǵý úshin talasady
ASTANA. KAZINFORM – Qazaqstannyń ekinshi, álemniń 72-raketkasy ıÝlııa Pýtıntseva juptyq synda Charlston (AQSh) WTA 500 týrnıriniń jartylaı fınalyna joldama aldy.
Qazaqstandyq tennısshi ıtalııalyq Elızabetta Kocharettomen birge shırek fınalda grýzııalyq Ekaterına Gorgodze – meksıkalyq Renata Sarasýanyń mysyn basty.
Birinshi partııa grýzııalyq-meksıkalyq juptyń paıdasyna sheshildi – 6:3. Budan keıin Pýtıntseva – Kocharetto kambek jasaı bildi – 7:5, 10:7.
Bir saǵat 42 mınýtqa sozylǵan tartysty básekede qazaqstandyq-ıtalııalyq dýet eıs jasamaǵanymen, 7 breıktiń úsheýin qur jibergen joq. Gorgodze – Sarasýa 4 breıkpen (12 breık-poınt) kózge tústi.
ıÝlııa Pýtıntseva – Elızabetta Kocharetto fınalǵa shyǵý úshin amerıkalyqtar Dezıre Kravchık – Ketı Maknallımen talasady. Amerıkalyq jup shırek fınalda jarystyń 1-raketkalary, serbııalyq Aleksandra Krýnıch – qytaılyq Chjan Shýaıdy jeńip ketti – 6:1, 7:5.
Eske sala keteıik, budan buryn Jibek Qulambaevanyń Úndistandaǵy týrnırde juptyq synda jartylaı fınalǵa shyqqanyn jazǵan bolatynbyz.
