ıÝlııa Pýtıntseva Tsıntsınnatı týrnıriniń fınalynda óner kórsetti

ASTANA. KAZINFORM – Qazaqstandyq tennısshi ıÝlııa Pýtıntseva juptyq synda Tsıntsınnatı (AQSh) WTA 1000 týrnıriniń fınalynda jeńilip qaldy.

Qazaqstandyq tennısshi kanadalyq Leıla Fernandespen birge sheshýshi básekede jarystyń 3-raketkalary, amerıkalyq Aısha Mýhammad – jańazelandııalyq Erın Rýtlıfpen bas júldeni sarapqa saldy.

Qazaqstandyq-kanadalyq jup matchty sátti bastady – 6:3. Ekinshi sette amerıkalyq-jańazelandııalyq dýet ese qaıyrdy – 6:1. Sodan keıin olar sýper taı-breıkte basym tústi – 10:4.

Saǵat jarymǵa sozylǵan kezdesý barysynda Pýtıntseva – Fernandes 10 breık-poınttyń bireýin ǵana paıdalandy. Mýhammad – Rýtlıff 2 eıs, 2 breıkpen (12 breık-poınt) kózge tústi.

Osylaısha, ıÝlııa Pýtıntseva sporttyq jolynda alǵash ret WTA 1 000 dodasynyń fınalyna deıin jetti.

Eske sala keteıik, budan buryn Anna Danılınanyń Monterreıde negizgi týrnırge joldama alǵanyn jazǵan bolatynbyz.