ıÝlııa Pýtıntseva Tokıoda negizgi týrnırge joldama aldy
ASTANA. KAZINFORM — Qazaqstannyń ekinshi, álemniń 66-raketkasy ıÝlııa Pýtıntseva Tokıo (Japonııa) WTA 500 týrnıriniń irikteý saıysyn sátti aıaqtady.
Qazaqstandyq tennısshi irikteý saıysynyń fınalynda reıtıngide 589-satydaǵy japonııalyq Saıaka Iıshımen betpe-bet keldi.
Qarsylasynyń reıtıngide kóp tómen turǵanyna qaramastan, oıyn Pýtıntsevaǵa ońaıǵa túsken joq.
Birinshi sette kort ıesi 6:4 esebimen basymdylyq tanytty. Ekinshisinde ıÝlııa ese qaıyrdy — 6:2.
Úshinshi, sheshýshi partııada Pýtıntseva 5:1 esebimen alǵa ketti. Aqyry matchty jeńispen túıindedi — 6:3.
Eki saǵat 10 mınýtqa sozylǵan tartysty básekede qazaqstandyq sportshy 1 eıspen birge 16 breık-poınttyń jeteýin paıdalandy. Iıshı 3 eıs, 4 breıkpen erekshelendi.
Osylaısha, ıÝlııa Pýtıntseva negizgi jarysqa joldama aldy. Onyń kelesi qarsylasy keıin belgili bolady.
Eske sala keteıik, budan buryn Qytaıdaǵy Nınbo týrnırinde Elena Rybakınanyń ekinshi jyl qatarynan fınalǵa shyqqanyn jazǵan edik.
Sondaı-aq ıÝlııa Pýtıntseva Tokıo týrnıri irikteý kezeńiniń fınalyna joldama aldy.
