ıÝlııa Pýtıntseva Rımde AQSh chempıonyn tize búktirdi
RIM. KAZINFORM – Qazaqstandyq, álemniń 41-raketkasy ıÝlııa Pýtıntseva Rım WTA 1000 týrnıriniń úshinshi aınalymyna shyqty.
Qazaqstandyq tennısshi ekinshi aınalymda álemniń 35-raketkasy, 2017 jylǵy AQSh ashyq chempıonatynyń jeńimpazy, amerıkalyq Sloan Stıvenspen betpe-bet keldi.
Birinshi partııada Pýtıntseva 6:3 esebimen basymdylyq tanytty.
ıÝlııa ekinshi sette qarqynyn údete tústi – 6:2.
Bir saǵat 14 mınýtqa sozylǵan báseke barysynda qazaqstandyq sportshy eıs jasamaǵanymen, 7 breık-poınttyń tórteýin qur jibergen joq. Stıvens maqtanarlyq eshteńe kórsetpedi – 4 breık-poınttyń bireýin ǵana paıdalandy.
ıÝlııa Pýtıntseva tórtinshi aınalymǵa shyǵý úshin álemniń 1-raketkasy, Polsha ókili Iga Shventek nemese reıtıngide 77-satydaǵy amerıkalyq Bernarda Peranyń qaı jeńgenimen talasady.
Qazaqstandyq tennısshi WTA Live reıtıngisinde qazirgi kezde 37-orynǵa kóterilip tur.
Qazaqstannyń birinshi, álemniń 4-raketkasy Elena Rybakına Rım jarysynyń ekinshi aınalymynda reıtıngide 161-oryndaǵy rýmynııalyq Irına Begýmen kezdesedi.
Eske sala keteıik, budan buryn Jibek Qulambaevanyń Slovaktsııadaǵy jarystyń jartylaı fınalyna joldama alǵanyn jazǵan bolatynbyz.
19 jastaǵy Sandýǵash Kenjebaeva Antalııa týrnıriniń shırek fınalyna ótti.
