ıÝlııa Pýtıntseva Maıamı jarysynda kort ıesine jol berdi

ASTANA. KAZINFORM — Qazaqstannyń ekinshi, álemniń 24-raketkasy ıÝlııa Pýtıntseva Maıamı (AQSh) WTA 1000 týrnıriniń úshinshi aınalymyna shyǵa almady.

Dodany ekinshi aınalymnan bastaǵan qazaqstandyq tennısshi bastapqy kezdesýin dúnıejúzilik reıtıngide 90-orynda turǵan amerıkalyq Teılor Taýnsendpen ótkizdi.

Birinshi partııada Pýtıntseva 5:3 esebimen alǵa shyqqanymen, sol múmkindigin paıdalana almady — 6:7 (2:7).

Esesine ekinshisinde aıqyn basymdylyq tanytty — 6:1.

Úshinshi, sheshýshi setti amerıkalyq sportshy sátti bastap, esepti 5:1-ge jetkizdi. Aqyry matchqa dop bergende, qatelesken joq — 6:1.

Eki saǵat 8 mınýtqa sozylǵan básekede Pýtıntseva 1 eıspen birge 16 breık-poınttyń beseýin paıdalandy. Kort ıesi 5 eıs, 5 breıkpen (11 breık-poınt) kózge tústi.

T.Taýnsend tórtinshi aınalymǵa shyǵý úshin álemniń 9-raketkasy, qytaılyq Chjen Tsınvenmen talasady.

ıÝ.Pýtıntseva ótken jyly Maıamı dodasynyń shırek fınalyna deıin jetken edi. Bıyl sol tabysyn qaıtalaı almaı, reıtıngilik upaıynan aıyryldy.

Osylaısha, E.Rybakına men ıÝ.Pýtıntseva jekeleı synda jarys jolynan erte shyǵyp qaldy.

Eske sala keteıik, budan buryn Elena Rybakınanyń Maıamı týrnırinde jarys jolynan shyǵyp qalǵanyn jazǵan bolatynbyz.