ıÝlııa Pýtıntseva Qytaıdaǵy týrnırdi sátti bastady
ASTANA. KAZINFORM — Qazaqstannyń ekinshi, álemniń 79-raketkasy ıÝlııa Pýtıntseva Nınbo (Qytaı) WTA 500 týrnıri irikteý saıysynyń fınalyna shyqty.
Qazaqstandyq tennısshi irikteý saıysynyń jartylaı fınalynda WTA reıtıngisinde 1 018-orynda turǵan qytaılyq, 17 jastaǵy Iıhan Kýdyń meselin qaıyrdy.
Birinshi partııada ıÝ.Pýtıntseva aıqyn basymdylyq tanytty – 6:1.
Ekinshi set áldeqaıda tartysty órbip, taı-breıkte ıÝlııanyń mereıi ústem boldy - 7:6 (7:0).
Bir saǵat 46 mınýtqa sozylǵan básekede Pýtıntseva eıs jasamaǵanymen, 6 breık-poınttyń teń jartysyn óz esebine jazdy. Ký 1 eıs, 1 breıkpen (6 breık-poınt) erekshelendi.
ıÝlııa Pýtıntseva irikteý saıysynyń fınalynda álemniń 64-raketkasy, amerıkalyq Alısııa Parkspen kezdesedi. Ony jeńse, negizgi jarysqa ótedi.
Ótken jyly Nınboda ıÝ.Pýtıntseva alǵashqy aınalymnan asa almasa, Elena Rybakına jeńimpaz atanǵan edi. E.Rybakına bıyl sol chempıondyq ataǵy men 500 reıtıngilik upaıyn qorǵaýy tıis.
ıÝ.Pýtıntseva osynyń aldynda qazir jalǵasyp jatqan Ýhan (Qytaı) WTA 1000 jarysynyń irikteý saıystaryn sátti aıaqtap, ekinshi aınalymǵa deıin jetken edi.
Eske sala keteıik, budan buryn Elena Rybakınanyń ózi chempıon atanǵan týrnırde óner kórsetetinin jazǵan edik.
