ıÝlııa Pýtıntseva Hobartta jartylaı fınalǵa jetpeı toqtady

Qazaqstannyń ekinshi, álemniń 64-raketkasy ıÝlııa Pýtıntseva Hobart (Aýstralııa) WTA 250 týrnıriniń jartylaı fınalyna shyǵa almady, dep habarlaıdy Kazinform.

Jarysty irikteý saıystarynan bastaǵan qazaqstandyq tennısshi shırek fınalda álemniń 73-raketkasy, qytaılyq ıÝe ıÝanmen kezdesti.

Tennısshiler matchtyń tartysty ótetinin bildirgendeı, breık almasýmen bastady. Esep 5:2 bolyp, qytaılyq sportshy setke dop bergenimen, ıÝlııa qatarynan úsh geım aldy – 5:5. Biraq ıÝlııa keı sátte dopty qysqa tastaımyn dep, qatelikke jol berip aldy – 5:7.

Ekinshi sette esep 1:1 bolǵan mezette breık jasaǵan ıÝlııa alǵa ketti – 4:1. Biraq setke dop bergende, óz múmkindikterin paıdalana almady. Taı-breıkte ıÝannyń asyǵy alshysynan tústi – 7:6 (7:4).

Eki saǵat 22 mınýtqa sozylǵan tartysty báseke barysynda ıÝ.Pýtıntseva 12 breık-poınttyń beseýin óz esebine jazdy. Qarsylasy 6 eıs, 6 breıkpen (22 breık-poınt) kózge tústi.

Qytaılyq tennısshi fınalǵa shyǵý úshin álemniń 31, osy dodanyń 2-raketkasy, amerıkalyq Emma Navarromen talasady. Ol reıtıngide 77-satydaǵy bolgarııalyq Vıktorııa Tomovany joldan taıdyrdy – 4:6, 6:3, 6:2.

Eske sala keteıik, budan buryn Aleksandr Býblıktiń Adelaıde týrnıriniń jartylaı fınalyna shyqqanyn jazǵan bolatynbyz.

Jibek Qulambaeva Taılandtaǵy jarysta jartylaı fınaldan tys qaldy.