ıÝlııa Pýtıntseva Hobartta utylyp jatyp, jeńisti julyp aldy

Qazaqstannyń ekinshi, álemniń 64-raketkasy ıÝlııa Pýtıntseva Hobart (Aýstralııa) WTA 250 týrnıriniń ekinshi aınalymyna shyqty, dep habarlaıdy Kazinform. 

Jarysty irikteý saıystarynan bastaǵan qazaqstandyq tennısshi alǵashqy aınalymda álemniń 45-raketkasy, ıtalııalyq Elızabetta Kocharettomen synǵa tústi.

Birinshi partııada ıtalııalyq sportshy bet qaratpady – 6:0.

E.Kocharetto ekinshi sette de 5:2 esebimen alda turyp, matchqa dop berdi. Degenmen budan keıin ıÝ.Pýtıntseva qatarynan bes geımdi aldy – 7:5.

Úshinshi, sheshýshi partııada esep 5:4 bolǵan mezette ıtalııalyq tennısshi taǵy da matchqa dop bergenimen, ıÝlııa qaıyra breık jasady. Aqyry ol taı-breıkte jeńisti julyp aldy – 7:6 (7:4).

Eki saǵat 20 mınýtqa sozylǵan tartysty báseke barysynda ıÝlııa 1 eıspen birge 11 breık-poınttyń beseýin óz esebine jazdy. Qarsylasy 2 eıs, 7 breıkpen (9 breık-poınt) kózge tústi.

ıÝlııa Pýtıntseva shırek fınalyna shyǵý úshin álemniń 35-inshi, dodanyń 5-raketkasy, chehııalyq Marııa Boýzkova nemese reıtıngide 90-satydaǵy shveıtsarııalyq Vıktorııa Golýbıchtiń bireýimen talasady.

Eske sala keteıik, budan buryn Elena Rybakınanyń qazaqstandyq jankúıerlerge alǵys aıtqanyn jazǵan bolatynbyz.

Sondaı-aq qazaqstandyq tennısshi Dmıtrıı Popko Býenos-Aıreste negizgi týrnırge ótti.

Aýstralııa ashyq chempıonaty qazaqstandyq tennısshiler úshin sátsiz bastaldy.