ıÝlııa Pýtıntseva álemdik reıtıngte TOP-40-qa jaqyndady

ASTANA. KAZINFORM – Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.

Madrıd WTA 1000 týrnıriniń jartylaı fınalyna deıin jetken Qazaqstannyń 1-raketkasy Elena Rybakına Polsha ókili Iga Shventek, belorýssııalyq Arına Sobolenko jáne amerıkalyq Korı Gaýftan keıin burynǵysynsha 4-orynda keledi. 

Osy aptada bastalatyn Rım WTA 1000 jarysynda E.Rybakına ótken jylǵy chempıondyq ataǵy men 1 myń reıtıngilik upaıyn qorǵaýy kerek. Bul oǵan ońaı túspeıtini anyq.

Taǵy bir qazaqstandyq, Madrıd dodasynyń shırek fınalynda E.Rybakınaǵa jol bergen ıÝlııa Pýtıntseva 50-den 41-ge kóterilip, TOP-40-qa jaqyndady. Pýtıntsevaǵa óziniń úzdik kórsetkishine (27) jetýi úshin áli de sátti óner kórsetýine týra keledi. 

Jibek Qulambaeva 492-den 499-ǵa tómendedi.

Juptyq synda úzdik úshtikte ózgeris bolǵan joq, taıbeılik Se Shýveı kósh bastasa, belgııalyq Elıze Mertens pen aýstralııalyq Storm Hanter ony ókshelep keledi. 

Qazaqstandyqtardan Anna Danılına 56-dan 51-ge, Jibek Qulambaeva 141-den 138-ge joǵarylady. 

Eske sala keteıik, budan buryn Elena Rybakınanyń WTA chempıondyq kestesinde úzdikter qatarynda kele jatqanyn jazǵan bolatynbyz.

Aleksandr Býblık álemdik reıtıngide rekord ornatty.