ıÝlııa Pýtıntseva AQSh ashyq chempıonatyn jeńispen bastady

ASTANA. KAZINFORM — Qazaqstannyń ekinshi, álemniń 55-raketkasy ıÝlııa Pýtıntseva AQSh ashyq chempıonatynyń ekinshi aınalymyna shyqty.

Qazaqstandyq tennısshi bastapqy kezdesýin dúnıejúzilik reıtıngide 85-orynda turǵan ıtalııalyq Elızabetta Kocharettomen ótkizdi.

Birinshi partııada ıtalııalyq sportshy 4:1 esebimen alǵa ketkenimen, Pýtıntseva kambek jasap, qatarynan bes geımdi aldy — 6:4.

Ekinshi sette taı-breıkti ıÝlııa sátti aıaqtaı bildi — 7:6 (7:4).

Osylaısha, qazaqstandyq tennısshi buǵan deıin alty matchqa sozylǵan jeńilister serııasyn toqtatty.

Bir saǵat 56 mınýtqa sozylǵan básekede Pýtıntseva 10 breık-poınttyń teń jartysyn múlt jibergen joq. Kocharetto 3 eıs, 4 breıkpen (8 breık-poınt) kózge tústi.
ıÝlııa Pýtıntseva úshinshi aınalymǵa shyǵý úshin álemniń 29-raketkasy, reseılik Anna Kalınskaıa nemese reıtıngide 178-satydaǵy amerıkalyq Klervı Ngýnýeniń qaı jeńgenimen talasady.

Eske sala keteıik, budan buryn Anna Danılınanyń AQSh-taǵy týrnırdiń chempıony atanǵanyn jazǵan edik.