ıÝlııa Pýtıntseva Adelaıda týrnırinde negizgi jarysqa joldama aldy

ASTANA. KAZINFORM – Qazaqstannyń ekinshi, álemniń 74-raketkasy ıÝlııa Pýtıntseva Adelaıda (Aýstralııa) WTA 250 týrnıriniń irikteý saıysyn jeńispen túıindedi.

Qazaqstandyq tennısshi irikteýdiń fınalynda álemniń 46-raketkasy, chehııalyq Marı Boýzkovamen betpe-bet keldi.

Birinshi partııada Pýtıntseva 6:4 esebimen basymdylyq tanytty. Ekinshi sette taı-breıkte azýly qarsylasyn tyqsyrdy – 7:6 (7:0).

Eki saǵat 20 mınýtqa sozylǵan tartysty básekede ıÝ.Pýtıntseva 8 breık-poınttyń beseýin paıdalandy. Boýzkova 1 eıs, 4 breıkpen (9 breık-poınt) kózge tústi.

Osylaısha, ıÝlııa Pýtıntseva Adelaıda týrnırinde negizgi jarysqa joldama aldy. 

Eske sala keteıik, budan buryn Pýtıntsevanyń Adelaıda týrnırinde alǵashqy qarsylasyn aıqyn basymdylyqpen utqanyn jazǵan edik. 

Sondaı-aq Aleksandr Býblık Gonkong týrnıriniń fınalyna joldama aldy.

Aleksandr Shevchenko Aýstralııadaǵy jarysty jeńispen bastady.