ıÝlııa Pýtıntseva WTA reıtınginde joǵarylady
NUR-SULTAN. QazAqparat – Áıelder tennısi qaýymdastyǵy (WTA) reıtınginiń jańarǵan nusqasy shyqty, dep habarlaıdy QazAqparat QR Tennıs Federatsııasynyń baspasóz qyzmetine saıtyna silteme jasap.
Qazaqstannyń birinshi raketkasy Elena Rybakına 20-shy bolyp qaldy. Pýtıntseva jeti pozıtsııaǵa kóterilip, 35-shi orynǵa jaıǵasty.
Eske sala keteıik, jaqynda ıÝlııa Býdapeshtte ótken týrnırdiń jeńimpazy atandy. Zarına Dııas úsh pozıtsııaǵa kóterilip, 99-shy tennısshi retinde Úzdik júzdikke qaıta oraldy. Juptyq razrıadta Anna Danılına 120-shy orynnan 119-ǵa kóterildi.
Erlerdiń jańarǵan reıtınginde Aleksandr Býblık úsh pozıtsııa túsip, 40-shy orynǵa jaıǵasty. Mıhaıl Kýkýshkın bir jol kóterilip, 123-shi orynǵa ornalasty. Dmıtrıı Popko tómen syrǵydy, endi ol 187-shi orynda. Al juptyq razrıadta Andreı Golýbev 35-shi, Býblık 49-shy, Aleksandr Nedovesov 84-shi orynda tur.