ıÝlııa Pýtıntseva úzdik otyz tennısshiniń qataryna qaıta kirdi
NUR-SULTAN. QazAqparat – Qazaqstandyq ıÝlııa Pýtıntseva búgin jańartylǵan WTA reıtıngisinde úzdik otyz tennısshiniń qataryna qaıta kirdi, dep habarlaıdy QazAqparat tilshisi.
Ótken aptada Charlston WTA 500 týrnıriniń shırek fınalyna deıin jetken ıÝ.Pýtıntseva 31-den 30-orynǵa kóterildi.
ıÝlııany jeńgen chernogorııalyq Danka Kovınıch keıin fınalda ǵana jeńilis taýyp, birden 26 satyǵa joǵarylap, 65-orynǵa jaıǵasty. Al osy aıtýly dodada jeńimpaz atanǵan reseılik Veronıka Kýdermetova 38-den 29-orynǵa kóterilip, Reseıdiń 1-raketkasy atandy.
Qazaqstannyń birinshi raketkasy Elena Rybakına 23-ornynda qalsa, Zarına Dııas 88-den 90-ǵa syrǵydy.
Qazaqstan áıelder quramasyn osy aptada mańyzdy kezdesýler kútip tur. Qazaqstandyqtar 16-17 sáýir kúnderi Bıllı Djın Kıng kýbogynyń pleı-off kezeńinde Argentınanyń Kordova qalasynda kort ıelerimen match ótkizedi.
Eske sala keteıik, budan buryn qazaqstandyq tennısshiniń Shveıtsarııadaǵy týrnırdiń chempıony atanǵanyn jazǵan edik.
