ıÝlııa Pýtıntseva Ýımbldon týrnırinde álemniń 2-raketkasymen oınaıdy
NUR-SULTAN. QazAqparat - Qazaqstandyq tennısshilerdiń Ýımbldon týrnırindegi qarsylastary belgili boldy, dep habarlaıdy QazAqparat tilshisi.
Qazaqstannnyń birinshi, álemniń 39-raketkasy ıÝlııa Pýtıntsevaǵa eń myqty qarsylastyń biri tap boldy. ıÝ.Pýtıntseva alǵashqy aınalymda álemniń 2-raketkasy, japonııalyq Naomı Osakamen oınaıdy.
Jýyrda ótken Bırmıngem (Ulybrıtanııa) týrnırine deıin N.Osaka álemdik reıtıngte kósh bastap kelgen bolatyn. Áıtse de ol qazaqstandyq tennısshiden utylyp, keıin osy jarysta jeńimpaz atanǵan aýstralııalyq Eshlı Bartıge 1-raketka retindegi ornyn berip qoıdy.
Endi ıÝ.Pýtıntseva men N.Osaka óz sporttyq joldarynda úshinshi ret kezdeskeli otyr. Buǵan deıin eki ret jeńgen ıÝlııanyń joly bola ma, álde Naomı ese qaıtara ma, ony kort kórsetedi.
Taǵy bir qazaqstandyq, reıtıngte 89-orynda turǵan Zarına Dııasqa da jerebe onsha joldas bola qoıǵan joq. Ol bastapqy básekesin álemniń 34-raketkasy, amerıkalyq Danıel Kollınzben ótkizedi. Jaqynda Istbýrn týrnırinde ıÝ.Pýtıntsevamen kezdesken D.Kollınz birinshi partııada esep 0:5 bolǵannan keıin jarysty jalǵastyrýdan bas tartyp, qazaqstandyq tennısshige jol bergen bolatyn.
Ýımbldon dodasynda esesine erler arasynda Mıhaıl Kýkýshkın men Aleksandr Býblıkke jerebe qarasty deýge bolady.
Qazaqstannyń birinshi, álemniń 47-raketkasy M.Kýkýshkın reıtıngte 77-satydaǵy ıspanııalyq Pablo Andýharmen kortqa shyǵady.
Reıtıngte 83-oryndaǵy A.Býblık negizgi týrnırge irikteý saıystarynan keıin qosylǵan frantsııalyq, álemniń 117-raketkasy Gregýar Barrermen sheberlik baıqasady.
Juptyq synda ıÝ.Pýtıntseva reseılik Vıtalııa Dıachenkomen birge Alısııa Rosolska men Astra Sharmamen kúsh synasady.
Taǵy bir qazaqstandyq Galına Voskoboeva rýmynııalyq Sorana Kyrstıamen jup quryp, Sara Greı men Eden Sılvamen kezdesedi.
Erler arasynda juptyq synda M.Kýkýshkın men A.Býblık Benoıt Per men Leander Paestiń shamasyn baıqap kóredi.
Jyl saıynǵy tórt «Úlken dýlyǵa» týrnıriniń biri - Ýımbldon jarysy 1-14 shilde aralyǵynda ótedi.
Eske sala keteıik, budan buryn E.Rybakınanyń Ýımbldonnyń negizgi týrnırine shyǵa almaǵanyn jazǵan bolatynbyz.
