ıÝlııa Pýtıntseva Toronto týrnıriniń ekinshi aınalymyna shyqty
NUR-SULTAN. QazAqparat - Qazaqstandyq ıÝlııa Pýtıntseva Toronto WTA-1000 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 299-orynda turǵan kanadalyq Ketrın Sebovpen sheberlik baıqasty.
Birinshi partııada kort ıesi basymdylyq kórsetti - 6:3.
Ekinshi sette ıÝlııa Pýtıntseva ese qaıyrdy - 6:2. Ol úshinshi, sheshýshi partııany breıkpen támamdady - 7:5.
Eki saǵattan astam ýaqytqa sozylǵan matchta Pýtıntseva 13 breık-poınttyń beseýin paıdalana bildi.
Qazaqstandyq tennısshi ekinshi aınalymda álemniń 3-raketkasy, ıspanııalyq Paýla Badosamen kezdesedi.
Qazaqstannyń erler arasyndaǵy birinshi raketkasy Aleksandr Býblık Monreal masters jarysynyń betashar oıynynda amerıkalyq Djenson Brýksbıden utylyp qaldy - 2:6, 3:6.
Eske sala keteıik, budan buryn Elena Rybakınanyń Toronto týrnırin jeńispen bastaǵanyn jazǵan bolatynbyz.
Foto: ktf.kz
