ıÝlııa Pýtıntseva Sıdneıde US Open týrnıriniń jeńimpazyn utty
ASTANA. QazAqparat - Qazaqstandyq ıÝlııa Pýtıntseva Sıdneı týrnıriniń ekinshi aınalymynda amerıkalyq Sloan Stıvenspen kúsh synasty, dep habarlaıdy QazAqparat tilshisi.
Osy jarystyń 4-raketkasy bolyp tirkelgen US Open (AQSh-tyń ashyq chempıonaty) týrnıriniń ótken jylǵy jeńimpazy S.Stıvens álemdik reıtıngte 5-orynda bolsa, ıÝ.Pýtıntseva 44-satyda keledi.
Qazaqstandyq tennısshi Sıdneıde irikteý saıysynyń fınalynda óziniń otandasy Zarına Dııasty jeńip, negizgi týrnırge qosylǵan edi.
Birinshi partııada amerıkalyq sportshy qazaqstandyq tennısshiden 6:3 esebimen basym tústi.
Ekinshi sette de S.Stıvens birden breık jasap, 2:0 esebimen alǵa ketti. ıÝ.Pýtıntseva qaıyra breık jasap, tarazy basyn teńestirgenimen, sodan keıin ózi dop bergen sátti paıdalana almady. Degenmen esep 5:4 bolyp, amerıkalyq tennısshi matchqa dop bergende, ıÝlııa taǵy bir breıkke qol jetkizdi. Aqyry bul partııanyń máselesi taı-breıkte sheshildi. Munda Pýtıntseva 7:4 esebimen basymdylyq kórsetti.
Úshinshi, sheshýshi partııany qazaqstandyq tennısshi breıkpen bastap, óz geımin de aldy - 2:0. Taǵy eki breık jasaǵan ıÝlııa esepti tipti ulǵaıtty - 5:0. Sońǵy geım de qazaqstandyq sportshynyń esebine jazyldy - 6:0.
Tartysty báseke 2 saǵat 6 mınýtqa sozyldy.
Osylaısha qazaqstandyq tennısshi Sıdneı týrnıriniń shırek fınalyna shyqty.
ıÝ.Pýtıntseva jartylaı fınal joldamasy úshin álemniń 9-raketkasy, Nıderlandy eliniń ókili Kıkı Bertenspen talasady. K.Bertens qarsylasy, ıspanııalyq Garbıne Mýgýrýsa kezdesýden bas tartqannan keıin shırek fınalǵa oınamastan shyqty.
Jalpy, jarys barysynda kútpegen nátıjeler tirkelmeı qalǵan joq. Búgin álemniń birinshi raketkasy, rýmynııalyq Sımona Halep reıtıngte 15-orynda turǵan Aýstralııa eliniń ókili Eshlı Bartıdan utylyp qaldy.
Týrnırge Sıdneıdiń ótken jylǵy jeńimpazy, álemniń 2-raketkasy, germanııalyq Anjelıka Kerber de qatysýda.
Eske sala keteıik, budan buryn ıÝ.Pýtıntsevanyń júlde qory 823 myń AQSh dollaryna baǵalanǵan Sıdneı týrnıriniń ekinshi aınalymyna shyqqan bolatyn. Sondaı-aq erler arasynda Aleksandr Nedovesov Aýstralııa ashyq chempıonatynyń irikteý týrnırin sátti bastasa, taǵy eki qazaqstandyq tennısshi alǵashqy kezdesýinde-aq jeńilip qaldy.
