ıÝlııa Pýtıntseva Rolan Garros týrnıriniń ekinshi aınalymyna shyqty
Qazaqstandyq tennısshi alǵashqy aınalymda dúnıejúzilik reıtıngte 89-orynda turǵan, Belgııanyń atynan synǵa túsip júrgen túbi ýkraınalyq Marına Zanevskaıamen sheberlik baıqasty.
Osyǵan deıin ıÝ. Pýtıntseva eki ret Rolan Garros jarysynyń shırek fınalyna deıin jetse, M. Zanevskaıanyń maqtanarlyqtaı eshteńesi joq-ty. Onyń ústine, bul olardyń ózara birinshi kezdesýi edi.
Tennısshiler matchty breık almasýmen bastady. Degenmen, M. Zanevskaıa budan keıin qatarynan úsh geımdi aldy – 4:1. ıÝ. Pýtıntseva da qalyspaı, esep 3:5 bolǵanda, qarsylasynyń setti alýyna múmkindik bergen joq – 7:5.
Ekinshi sette esep 4:3 bolǵan mezette qazaqstandyq tennısshi óz geımin paıdalana almady. Áıtse de, taı-breıkte ábjildik tanytty – 7:6 (7:3).
Eki saǵat 17 mınýtqa sozylǵan tartysty báseke barysynda ıÝlııa 16 breık-poınttyń beseýin óz esebine jazdy. Qarsylasy 3 eıs, 4 breıkpen (11 breık-poınt) kózge tústi.
ıÝlııa Pýtıntseva ekinshi aınalymda álemniń 19-raketkasy, qytaılyq Chjen Tsınvenmen oınaıdy. Ol bastapqy matchynda reıtıngte 112-satydaǵy slovenııalyq Tamara Zıdanshekti 6:3, 6:1 esebimen ońaı utty.
Eske sala keteıik, budan buryn Jibek Qulambaevanyń Serbııadaǵy týrnırdiń jeńimpazy atanǵanyn jazǵan bolatynbyz.
Sondaı-aq, qazaqstandyq jas tennısshi Bakýde ótken týrnırde absolıýtti chempıon atandy.
