ıÝlııa Pýtıntseva Marokkoda Rabat týrnırin jeńispen bastady

ASTANA. QazAqparat – Qazaqstannyń ekinshi, álemniń 61-raketkasy ıÝlııa Pýtıntseva Marokko astanasy Rabatta ótip jatqan WTA 250 týrnırin jeńispen bastady, dep habarlaıdy QazAqparat tilshisi.

Topyraq tósenishinde ótip jatqan jarystyń alǵashqy aınalymynda qazaqstandyq tennısshi dúnıejúzilik reıtıngte 1230-orynda turǵan marokkolyq Aıa El-Aýnımen sheberlik baıqasty.

Birinshi partııada úsh breık jasaǵan ıÝ.Pýtıntseva aıqyn basymdylyq kórsetti – 6:1. Ol ekinshi sette de 3:0 esebimen alǵa ketti. Áıtse de budan keıin jergilikti tennısshi tarazy basyn teńestirdi.

Saǵat jarymǵa jýyq ýaqytqa sozylǵan báseke barysynda qazaqstandyq sportshy 1 eıs jasap, 9 breık-poınttyń beseýin óz esebine jazdy. Qarsylasy 2 eıs, 1 breıkten (9 breık-poınt) asa almady.

ıÝlııa Pýtıntseva júlde qory 259 303 AQSh dollaryna baǵalanǵan dodanyń shırek fınalyna shyǵý úshin álemniń 129-raketkasy, frantsııalyq Leolııa Janjanmen talasady. L.Janjan úsh saǵatqa sozylǵan bastapqy kezdesýinde reıtıngte 376-satydaǵy rýmynııalyq Gabrıela Lıdi 7:6 (7:4), 5:7, 6:3 esebimen tize búktirdi.

Rabat jarysy 27 mamyrda aıaqtalady.

Eske sala keteıik, budan buryn Elena Rybakınanyń resmı túrde álemniń tórtinshi raketkasy bolǵanyn jazǵan edik.

Sondaı-aq qazaqstandyq tennısshilerdiń álemdik reıtıngidegi orny belgili boldy.