ıÝlııa Pýtıntseva Madrıd týrnıriniń ekinshi aınalymyna shyqty
NUR-SULTAN. QazAqparat – Qazaqstandyq, álemniń 44-raketkasy ıÝlııa Pýtıntseva Madrıd WTA 1000 týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń 48-raketkasy, amerıkalyq Shelbı Rodjerspen kezdesti.
Birinshi partııada esep 5:5 bolǵan mezette ıÝ.Pýtıntseva taǵy bir breıkke qol jetkizip, sosyn osy basymdyǵyn saqtap qaldy – 7:5.
Ekinshi setti de breıkpen bastaǵanymen, qarsylasy tarazy basyn teńestire bildi. Degenmen esep 5:5 bolǵanda, ıÝlııa taǵy bir breık jasap, sosyn match-poıntyn qur jibergen joq – 7:5.
Eki saǵatqa sozylǵan tartysty báseke barysynda ıÝ.Pýtıntseva eıs jasamaǵanymen, 12 breık-poınttyń beseýin paıdalandy. Qarsylasy 6 eıs, 3 breıkpen (8 breık-poınt) kózge tústi.
Qazaqstandyq sportshy úshinshi aınalymǵa shyǵý úshin álemniń 16-raketkasy, taǵy bir amerıkalyq Korı Gaýfpen talasady. Ol bastapqy kezdesýinde slovakııalyq Anna Shmıdlovadan aılasyn asyrdy – 6:0, 6:2.
Qazaqstannyń birinshi, álemniń 18-raketkasy Elena Rybakına erteń dúnıejúzilik reıtıngte 93-orynda turǵan frantsııalyq Osean Dodenmen oınaıdy.
Júlde qory 6,5 mln eýrodan asatyn iri jarys 7 mamyrda márege jetedi.
Ótken jyly bul dodada Belarýs ókili Arına Sobolenko jeńimpaz atanǵan bolatyn.
Eske sala keteıik, budan buryn Aleksandr Býblıktiń «Men – qazaqpyn» dep aıtqanyn, tennısshi Andreı Golýbevtiń Mıýnhen týrnıriniń jartylaı fınalyna shyqqanyn jazǵan bolatynbyz.
Sondaı-aq Qazaqstan jasóspirimder quramasy ÁCh irikteý kezeńiniń jartylaı fınalyna shyqty.
