ıÝlııa Pýtıntseva Madrıd masters týrnırin sátti bastady
ASTANA. QazAqparat – Qazaqstannyń ekinshi, álemniń 51-raketkasy ıÝlııa Pýtıntseva Madrıd WTA 1000 týrnırin sátti bastady, dep habarlaıdy QazAqparat tilshisi.
Qazaqstandyq tennısshi bastapqy kezdesýin dúnıejúzilik reıtıngte ózinen tórt saty tómen turǵan amerıkalyq Kler Lıýmen ótkizdi.
Birinshi partııada amerıkalyq tennısshi 2:0 esebimen alǵa ketkenimen, ıÝ.Pýtıntseva tarazy basyn teńestirdi – 2:2. Sodan keıin ózi alǵa shyqqanymen, Lıý qarap qalmady. Esep 4:4 bolǵan mezette ıÝlııa breık jasap, sosyn setbolyn paıdalana aldy – 6:4.
Ekinshi sette qazaqstandyq sportshy breıkpen alǵa ketti – 4:2. Aqyry matchqa dop bergende, óz múmkindigin jibergen joq – 6:4.
Bir saǵat 45 mınýtqa sozylǵan báseke barysynda ıÝlııa 1 eıs jasap, 9 breık-poınttyń beseýin óz esebine jazdy. Qarsylasy 2 eıs, 3 breıkpen (7 breık-poınt) kózge tústi.
ıÝ.Pýtıntseva júlde qory 7,7 mln eýrodan asatyn Madrıd masters jarysynyń úshinshi aınalymyna shyǵý úshin álemniń 5-raketkasy, frantsııalyq Karolın Garsııamen talasady.
Atalmysh doda 6 mamyrda máresine jetedi.
Eske sala keteıik, budan buryn Elena Rybakınanyń Madrıd masters týrnırinde baq synaıtynyn jazǵan bolatynbyz.
Sondaı-aq qazaqstandyq tennısshi Madrıd týrnıriniń irikteý saıysynda jeńilip qalǵan edi.
Elena Rybakına álemniń altynshy raketkasy atandy.
