ıÝlııa Pýtıntseva Indıan-Ýells masters týrnıriniń ekinshi aınalymyna shyǵa almady
ASTANA. QazAqparat – Qazaqstandyq, álemniń 42-raketkasy ıÝlııa Pýtıntseva AQSh-ta ótip jatqan Indıan-Ýells masters týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 76-orynda turǵan chehııalyq Karolına Mýhovamen kezdesti.
Eki saǵat 22 mınýtqa sozylǵan tartysty matchta ıÝlııa Pýtıntseva 3:6, 6:4, 4:6 esebimen ese jiberdi. Ol 8 breık-poınttyń jartysyn paıdalandy. Qarsylasy 4 eıs, 5 breıkpen (11 breık-poınt) kózge tústi.
K.Mýhova ekinshi aınalymda Belarýs ókili Vıktorııa Azarenkomen sheberlik baıqasady.
Jalpy júlde qory 8,8 mln AQSh dollaryna baǵalanǵan dodada Qazaqstannyń birinshi, álemniń 10-raketkasy Elena Rybakına ekinshi aınalymda amerıkalyqtar Sloan Stıvens nemese Sofıa Kenınniń bireýimen oınaıdy.
Eske sala keteıik, budan buryn Aqtóbede 19 jastaǵy qazaqstandyq tennısshiniń shırek fınalǵa shyqqanyn jazǵan bolatynbyz.
Sondaı-aq Jibek Qulambaeva Astanadaǵy jarystyń jartylaı fınalyna shyqty.
