ıÝlııa Pýtıntseva Germanııamen matchta Qazaqstandy alǵa shyǵardy
NUR-SULTAN. QazAqparat – Ulttyq tennıs ortalyǵynda Bıllı Djın Kıng kýbogynyń irikteý kezeńinde Qazaqstan – Germanııa matchy bastaldy, dep habarlaıdy QazAqparat tilshisi.
Aldymen kortqa ıÝlııa Pýtıntseva men Anjelıka Kerber shyqty.
Álemniń burynǵy birinshi raketkasy, «Úlken dýlyǵa» týrnıriniń úsh márte jeńimpazy A.Kerber qazirgi kezde 17-orynda bolsa, ıÝ.Pýtıntseva 52-satyda edi.
Buǵan deıin germanııalyq tennısshi ıÝlııany eki ret utqan edi.
Birinshi partııany qarsylastar breık almasýmen bastady.
Sodan keıin A.Kerber qarqyndy oınap, esepti 5:1-ge jetkizdi. ıÝ.Pýtıntseva breık jasaǵanymen, odan árige shamasy jetpedi – 3:6.
Esesine ekinshi sette esep 1:1 bolǵan mezette ıÝlııa breık jasaı bildi.
Taǵy bir breıkpen óziniń geımin de aldy – 5:1. Budan soń Anjelıka esepti qysqartqanymen, qazaqstandyq tennısshi setti taǵy bir breıkpen támamdady – 6:3.
Úshinshi, sheshýshi sette Pýtıntseva 3:0 esebimen alǵa ketti. Sosyn matchty taǵy bir breıkpen bitirdi – 6:2.
Tartysty ótken báseke barysynda ıÝ.Pýtıntseva, ásirese, qysqa soqqylarmen qarsylasyn qapy qaldyryp otyrdy.
Osylaısha Qazaqstan 1:0 esebimen alǵa shyqty.
Endi búgin jekeleı synda Elena Rybakına men Laýra Zıgemýnd sheberlik baıqasady. Qalǵan oıyndar erteńge josparlanǵan.
Eske sala keteıik, budan buryn búgin Qazaqstan – Germanııa matchy bastalatynyn jazǵan bolatynbyz.
