ıÝlııa Pýtıntseva Tsıntsınnatı týrnırinde utylyp qaldy
NUR-SULTAN. QazAqparat – Álemniń 38-raketkasy, qazaqstandyq ıÝlııa Pýtıntseva Tsıntsınnatı (AQSh) WTA 1000 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń 24-raketkasy, amerıkalyq Medıson Kızben sheberlik baıqasty.
Birinshi partııada amerıkalyq sportshy 7:5 esebimen basym tústi. Ol ekinshi sette de esesin jibermedi – 6:3.
Bir saǵat 23 mınýtqa sozylǵan kezdesýde Kız 6 eıs jasap, 4 breık-poınttyń úsheýin paıdalana bildi. ıÝ. Pýtıntseva eıs te, breık te jasaı alǵan joq.
M. Kız ekinshi aınalymda álemniń 15-raketkasy, latvııalyq Elena Ostapenkomen kezdesedi. Ol osynyń aldynda Toronto jarysynyń fınalyna deıin jetken brazılııalyq Beatrıs Haddad Maııany tize búktirdi – 6:4, 6:4.
Qazaqstannyń birinshi raketkasy Elena Rybakına ekinshi aınalym kezinde reıtıngide kósh bastaǵan ıspanııalyq Garbıne Mýgýrýsamen kortqa shyǵady.
Eske sala keteıik, budan buryn qazaqstandyq jasóspirimderdiń álemdik reıtıngide jeke rekordtaryna qol jetkizgenin, Danııl Medvedevtiń Astana Open ATP 500 týrnıriniń birinshi raketkasy ekendigin jazǵan bolatynbyz.
Foto: www.sports.kz
