ıÝlııa Pýtıntseva Charlstonda álemniń eks-úshinshi raketkasyn utty

ASTANA. QazAqparat – Qazaqstannyń ekinshi, álemniń 47-raketkasy ıÝlııa Pýtıntseva AQSh-ta topyraq tósenishinde ótip jatqan Charlston WTA 500 týrnırin sátti bastady, dep habarlaıdy QazAqparat tilshisi.

Qazaqstandyq tennısshi alǵashqy aınalymda álemniń burynǵy úshinshi raketkasy, ýkraınalyq Elına Svıtolınamen sheberlik baıqasty.

Bul E.Svıtolınanyń sábıli bolýyna baılanysty bir jyldan astam ýaqyttan keıin kortqa birinshi shyǵýy edi.

Qarsylastardyń osyǵan deıin jeti márte joldary toqaılasyp, sonyń altaýynda ýkraınalyq, bireýinde ǵana qazaqstandyq sportshy jeńgen bolatyn. WTA dodalarynda 16 ret chempıon atanǵan E.Svıtolınanyń Tokıo olımpıadasynda qazaqstandyq Elena Rybakınany utyp, qolǵa júldege ıe bolǵany belgili.

Bul joly asa tartysty matchta ıÝ.Pýtıntseva 6:7 (3:7), 6:2, 6:4 esebimen jeńiske jetti.

Úsh saǵatqa jýyq ýaqytqa sozylǵan báseke barysynda ıÝlııa 2 eıs jasap, 24 breık-poınttyń jeteýin óz paıdasyna jazdy. Qarsylasy 5 eıs, 4 breıkpen (11 breık-poınt) kózge tústi.

ıÝlııa Pýtıntseva úshinshi aınalymǵa shyǵý úshin álemniń 17-inshi, osy jarystyń 7-raketkasy, reseılik Ekaterına Aleksandrovamen talasady.

Júlde qory 780 637 AQSh dollaryna baǵalanǵan doda 9 sáýirde máresine jetedi.

Eske sala keteıik, budan buryn Elena Rybakınanyń topyraq tósenishindegi maýsymda tabysty óner kórsetkisi keletini týraly aıtqanyn jazǵan bolatynbyz.

Sondaı-aq qazaqstandyq tennısshilerdiń álemdik reıtıngtegi orny belgili boldy.