ıÝlııa Pýtıntseva Bıllı Djın Kıng kýbogynda Qazaqstan rekordyna qol jetkizdi
NUR-SULTAN. QazAqparat – Qazaqstandyq ıÝlııa Pýtıntseva Bıllı Djın Kıng kýbogynda jekeleı synda 15-inshi jeńisine qol jetkizdi, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, bul –elimizdiń tennısshileri arasyndaǵy rekordtyq nátıje.
Osyǵan deıin Qazaqstan áıelder quramasynyń qazirgi kapıtany ıAroslava Shvedova men Zarına Dııastyń enshisinde 14 jeńisten bar edi.
ıÝ.Pýtıntseva Bıllı Djın Kıng dodasynda 2014 jyldan beri óner kórsetip keledi. Búgin ol Germanııanyń birinshi, álemniń 17-raketkasy Anjelıka Kerberdi 3:6, 6:3, 6:2 esebimen tize búktirdi. Bul onyń Kerbermen ózara kezdesýlerindegi alǵashqy utysy edi.
«Birinshi bolyp synǵa túsý qashanda qıyn. Bastapqyda abyrjyǵandyqtan, ózime ózim kele almadym. Birinshi set sońynda soqqyny seziný kerektigin túsindim. Sosyn Anjelıkanyń osal tustaryn tabýǵa tyrystym. Ashyq qalǵan jerlerdi kózdep, ony kóbirek júgirtýdi oıladym. Bul taktıkam júzege asty. Mundaı matchta árbir upaı mańyzdy. Erteńgi oıynda da barymyzdy salamyz», dedi ıÝ.Pýtıntseva.
Eske sala keteıik, budan buryn búgin Qazaqstan – Germanııa matchy bastalatynyn, ıÝlııa Pýtıntsevanyń Qazaqstandy alǵa shyǵarǵanyn jazǵan bolatynbyz.
Sondaı-aq Elena Rybakına Qazaqstan – Germanııa matchynda esepti 2:0-ge jetkizdi.
