ıÝlııa Pýtıntseva Aýstralııadaǵy jarystyń jartylaı fınalyna shyǵa almady
Qazaqstandyq tennısshi shırek fınalda álemniń 72-raketkasy, reseılik Anna Blınkovamen sheberlik baıqasty.
A.Blınkova birinshi partııada 6:3 esebimen basym tústi. Ekinshisinde de ol birden breık jasap, alǵa ketti. ıÝ.Pýtıntseva tarazy basyn teńestirgenimen, esep 4:4 bolǵan mezette reseılik tennısshi taǵy bir breık jasap, matchty aıaqtaı bildi – 6:4.
Bir saǵat 45 mınýtqa sozylǵan báseke barysynda Pýtıntseva 2 eıs jasap, 11 breık-poınttyń ekeýin ǵana paıdalana aldy. Blınkova 4 eıs, 4 breıkpen (8 breık-poınt) kózge tústi.
ıÝlııa Pýtıntseva endi 16 qańtarda bastalatyn Aýstralııa ashyq chempıonatynda baq synaıdy.
Eske sala keteıik, budan buryn Elena Rybakınanyń juptyq synda Adelaıda týrnıriniń fınalyna shyqqanyn jazǵan bolatynbyz.
Sondaı-aq qazaqstandyq tennısshilerdiń Aýstralııa ashyq chempıonatyndaǵy qarsylastary anyqtaldy.
Foto: Qazaqstan tennıs federatsııasy
