ıÝlııa Pýtıntseva Aýstralııa ashyq chempıonatyn jeńispen bastady
ASTANA. QazAqparat - Qazaqstandyq ıÝlııa Pýtıntseva Aýstralııa ashyq chempıonatynyń alǵashqy aınalymynda chehııalyq Barbora Strytsovamen kezdesti, dep habarlaıdy QazAqparat tilshisi.
Osynyń aldynda Sıdneı týrnırin sátti ótkizip, shırek fınalǵa deıin jetken ıÝ.Pýtıntseva dúnıejúzilik reıtıngte úzdik qyryq tennısshiniń qataryna enip, 39-satyǵa kóterilgen edi.
Álemniń 33-raketkasy, 32 jastaǵy B.Strytsova men 1995 jylǵy qazaqstandyq tennısshi buǵan deıin úsh márte kezdesip, sonyń ekeýinde chehııalyq sportshy jeńiske jetken edi.
Bul joly birinshi partııada esep 2:2 bolyp turǵan mezette ıÝ.Pýtıntseva breık jasap, 4:2 esebimen alǵa shyqty. Aqyry osy basymdylyǵynan aıyrylmaı, setti jeńispen támamdady - 6:4.
Ekinshi partııada kerisinshe B.Strytsova breık jasap, 3:1 esebimen alǵa ketti. Degenmen ıÝ.Pýtıntseva qaıyra breıkke qol jetkizip, óz geımin de aldy - 3:3. Sodan keıin tartysty geımde taǵy bir breık jasap, tarazy basyn ózine aýdardy - 4:3. Pýtıntsevanyń dop bergendegi qateligin paıdalanǵan Strytsova da qalyspady - 4:4. Chehııalyq tennısshiniń osyndaı sátsizdiginen keıin qazaqstandyq tennısshi matchqa dop berdi - 5:4. Jaýapty geımde jınaqy oınaǵan Strytsova esepti qaıta teńestirdi - 5:5. Esep 6:6 bolǵannan keıin taı-breıkte Pýtıntseva qarsylasyna esh múmkindik bergen joq - 7:1.
Tartysty ótken báseke 2 saǵatqa jýyq ýaqytqa sozyldy.
ıÝlııa Pýtıntseva ekinshi aınalymda shveıtsarııalyq, álemniń 49-raketkasy Belında Benchıch nemese taǵy bir chehııalyq, reıtıngte 34-oryndaǵy Katerına Sınıakovanyń bireýimen sheberlik baıqasady.
Taǵy bir qazaqstandyq tennısshi, álemniń 95-raketkasy Zarına Dııas Aýstralııa birinshiliginde bastapqy básekesin reıtıngte 61-satydaǵy, serbııalyq Aleksandra Krýnıchpen ótkizedi. Buǵan deıin qarsylastardyń joldary eki márte toqaılasyp, sonyń ekeýinde de qazaqstandyq tennısshi jeńiske jetken.
Erler arasyndaǵy jekeleı synda Qazaqstannyń birinshi, álemniń 56-raketkasy Mıhaıl Kýkýshkın Frantsııa eliniń ókili, reıtıngte 31-oryndaǵy Lýkas Pýılmen kortqa shyǵady. Bular úsh ret kúsh synasyp, sonyń ekeýinde frantsııalyq sportshy basym túsken.
Eske sala keteıik, budan buryn qazaqstandyq tennısshilerdiń Aýstralııa ashyq chempıonatyndaǵy qarsylastary anyqtalǵanyn jazǵan bolatynbyz.
