ıÝlııa Pýtıntseva alǵash ret Zarına Dııasty jeńdi
ASTANA. QazAqparat - Qazaqstannyń birinshi raketkasy ıÝlııa Pýtıntseva Avstralııanyń Sıdneı qalasynda ótken kvalıfıkatsııalyq jarystyń irikteý kezeńiniń fınalynda otandasy Zarına Dııasty jeńdi, dep habarlaıdy «SPORTINFORM» SAA.
Jeksenbi tańy tennısshiniń ekeýi úshin de ońaı bolǵan joq. Áýeli Zarına Dııas chehııalyq Barbora Strytsovany 7:5, 1:6, 6:4 esebimen utqan. Odan keıin ıÝlııa Pýtıntseva jergilikti jas tennısshi Destını Aıavany (6:0, 6:2) jeńdi.
Qazaqstandyq sportshylardyń kezdesýi jańbyr kesirinen úzilip otyrdy, alaıda aýa raıynyń qolaısyzdyǵy matchty búgin aıaqtaýǵa kedergi bolǵan joq. Oıyn qorytyndysy boıynsha, ıÝlııa Pýtıntseva qarsylasyn 6:2, 6:2 esebimen utty.
Bul ıÝlııanyń sátsiz ótken eki matchtan keıin Zarınany birinshi ret jeńýi ekenin atap ótý kerek. Buǵan deıin 2017 jyly Tokıoda jáne byltyr Nıý-Heıvende ótken oıyndarda Dııas Pýtıntsevany jeńgen bolatyn.
Endi ıÝlııa Pýtıntseva Sıdneıde júlde qory 823 myń AQSh dollaryn quraıtyn týrnırdiń negizgi setkasyna ótti. Negizgi setkanyń matchtary búginnen bastalady.
