ıÝlııa Pýtıntseva Ábý-Dabıde negizgi týrnırge joldama aldy
ASTANA. QazAqparat – Qazaqstandyq, álemniń 45-raketkasy ıÝlııa Pýtıntseva Ábý-Dabı WTA 500 týrnırine joldama aldy, dep habarlaıdy QazAqparat tilshisi.
ıÝ.Pýtıntseva irikteý saıystarynyń fınalynda dúnıejúzilik reıtıngte 152-orynda turǵan ózbekstandyq Nıgına Abdýraımovamen sheberlik baıqasty.
Qazaqstandyq tennısshi 6:2, 6:2 esebimen jeńiske jetti. Bir saǵattan astam ýaqytqa sozylǵan báseke barysynda ol 3 eıs jasap, 13 breık-poınttyń jeteýin óz esebine jazdy. N.Abdýraımova 2 eıs, 3 breıkpen shekteldi.
Osylaısha, ıÝ.Pýtıntseva 6-12 aqpan aralyǵynda ótetin negizgi jarysqa ótti. Onyń alǵashqy aınalymdaǵy qarsylasy keıin anyqtalady.
Bul dodada Qazaqstannyń birinshi, álemniń 10-raketkasy Elena Rybakına da óner kórsetedi. Reıtıngisi joǵary bolǵandyqtan, ol jarysty ekinshi aınalymnan bastaıdy.
Eske sala keteıik, budan buryn ıÝlııa Pýtıntsevanyń Ábý-Dabı týrnıriniń irikteý saıysyn jeńispen bastaǵanyn jazǵan bolatynbyz.
Sondaı-aq Devıs kýboginde Qazaqstanmen matchta Chılı quramasy alǵa shyqty.
Qazaqstan Chılı quramasynan jeńilip qaldy.
Qazaqstandyq tennısshilerdiń álemdik reıtıngtegi oryndary anyqtaldy.
Foto: ktf.kz
