ıÝlııa Galysheva Japonııadaǵy álem kýbogynda qola júldege ıe boldy
ASTANA. QazAqparat - ıÝlııa Galysheva Japonııanyń Tazavako qalasynda ótken frıstaıl-mogýldan álem kýbogynyń úshinshi kezeńinde qola júldeger atandy dep habarlaıdy QazAqparat QR Ulttyq Olımpıada komıtetiniń baspasóz qyzmetine silteme jasap.
«2019 jylǵy álem chempıony irikteý kezeńinde asa qınalǵan joq. Ol sheshýshi kezeń qarsańynda Olımpıada chempıony Perrın Laffonǵa ǵana ese jibergen. Jarystyń aqtyq synynda Galysheva 76.92 upaı jınap, úshinshi satyǵa turaqtady. Altyn júlde 82.97 upaı jınaǵan Perrın Laffonnyń, kúmis medal 79.87 upaıy bar Entonı Djakaranyń enshisinde», - delingen komıtet habarlamasynda.
Al Aıaýlym Ámirenova, Pavel Kolmakov, Sergeı Romanov, Aleksandr Gebert pen Oleg Tsınn irikteýden ótken joq.
Eske sala ketsek, osydan birneshe kún buryn Amerıkanyń Park-Sıtı qalasyndaǵy álem chempıonatynda mogýldan áıelder arasyndaǵy chempıon anyqtaldy. Qazaqstandyq ıÝlııa Galysheva álem chempıony atanǵan bolatyn.
