ıÝlııa Galysheva úzdik sportshy atandy
NUR-SULTAN. QazAqparat – Frıstaıl-mogýldan Olımpıada oıyndarynyń qola júldegeri, álem chempıony ıÝlııa Galysheva jeltoqsan aıyndaǵy úzdik sportshy atandy, dep habarlaıdy QazAqparat tilshisi.
Ulttyq olımpıada komıteti málim etkenindeı, bul ataqtan bes sportshy úmitker boldy.
ıÝ.Galyshevaǵa (frıstaıl-mogýl) qosa Dmıtrıı Balandın (júzý), Ermek Aınazarov, Darhan Asadilov (ekeýi de karate) jáne Artem Zaharovqa (trektegi velosport) jankúıerler daýys berdi.
Daýys berý búgin saǵat 10.00-de aıaqtaldy. Sonyń qorytyndysy boıynsha ıÝ.Galysheva 58,40 paıyz daýys jınap, jeńimpaz atandy. Ermek Aınazarov ekinshi, Artem Zaharov úshinshi orynǵa ilikti.
Eske sala keteıik, ıÝ.Galysheva Qytaıda ótken álem kýbogy kezeńinde kúmis júldeger atanǵan bolatyn.
